اتىراۋ وبلىسىنداعى جەم وزەنى تارتىلىپ بارادى

None
None
نۇر-سۇلتان. قازاقپارات - اتىراۋ وبلىسى جىلىوي اۋدانىنداعى جەم وزەنى تارتىلىپ قالۋدىڭ از الدىندا تۇر، دەپ حابارلايدى «حابار 24».

كەزىندە وتكەل بەرمەگەن وزەن سۋى سوڭعى 3 جىلدا تىپتەن ازايىپ كەتكەن. وسىعان بايلانىستى ونداعى مال ءوسىرىپ، ەگىن سالاتىن شارۋاشىلىقتاردىڭ ءىسى ورگە باسپاي وتىر.

جاز ورتاسىندا ەگىننىڭ قۋراپ، مالعا دا سۋ تابىلماعان. قازىر شارۋالار ءوز قاراجاتتارىنا قۇدىق قازدىرىپ، مالدى سودان سۋارۋعا ءماجبۇر بولعان. ونىڭ وزىنەن سۋ شىقپاۋعا اينالعان. 7 جىلدان بەرگى جاعداي وسىنداي. بۇل ماسەلە تەك سۋ قويماسى سالىنعاندا عانا شەشىلمەك. الايدا، جەرگىلىكتى بيلىك «قاراجات جوق» دەپ قاننەن- قاپەرسىز وتىر.

نۇرتاس قۋاتبايەۆ، جىلىوي اۋداندىق اۋىل شارۋاشىلىعى ءبولىمىنىڭ باسشىسى:

- ۇسىنىستار بەرىلىپ ءجۇر. سالۋ ءۇشىن ۇلكەن قاراجات كەرەك. قاراجاتقا بارىپ تىرەلەدى ماسەلە. ول ەندى وبلىس دەڭگەيىندە شەشىلمەي جاتىر. اۋداننان بولەتىن وعان قاراجات جوق. وبلىستان سۇرالادى. وبلىس رەسپۋبليكادان سۇرايدى. ونداي ۇلكەن وبەكتىلەرگە ۇلكەن قاراجات كەرەك.

www.24.kz


سوڭعى جاڭالىقتار