قاراشا ايىندا قارلى بوران مەن كوكتايعاق ءجيى بولادى - قازگيرومەت
قاراشا ايىنىڭ ءبىرىنشى جارتىسىندا رەسپۋبليكانىڭ سولتۇستىك بولىگىندە، شىعىسىندا جانە ورتالىعىندا قىسقى اۋا رايى بولجانادى.
«قاراشا ايىندا جاۋىن- شاشىن (كوبىنەسە قار)، قارلى بوران، سونداي-اق كوكتايعاق پەن تۇمان ءجيى بولادى. ايدىڭ ءبىرىنشى جارتىسىنىڭ ەڭ سۋىق كۇندەرىندە تەرمومەتر باعاناسى تۇندە 10-23 - °C، كۇندىز -2-10°C قا دەيىن تومەندەيدى.
سۋىق اۋا ماسسالارى جىلىعا اۋىسقاندا تەرمومەترلەردىڭ باعانالارى 5+12 + °C بەلگىسىنە جەتەدى. ەلىمىزدىڭ وڭتۇستىك بولىگىندە جاۋىن- شاشىن (جاڭبىر، جىلبىسقى قار) ايدىڭ ەكىنشى جارتىسىندا كۇتىلەدى، تاۋلى جەرلەردە ەرتەرەك بولۋى مۇمكىن. بۇل جاعدايدا تەمپەراتۋرا فونى تۇندە 5-12 - °C قا دەيىن، كۇندىز 1+5 - °C قا دەيىن تومەندەيدى»، - دەلىنگەن سينوپتيكتەر بولجامىندا.
سونداي-اق، قازگيدرومەت ماماندارى ەلدىڭ سولتۇسىندەگى سۋىق اۋا رايى بولاتىنىن ايتتى. «قازاقستاننىڭ باسىم بولىگىندە اۋا تەمپەراتۋراسى نورما شاماسىندا، ەلدىڭ سولتۇستىك- باتىس جارتىسىندا - نورمادان 1°C جوعارى، وڭتۇستىك، وڭتۇستىك- شىعىس جانە شىعىستىڭ تاۋلى جانە تاۋ بوكتەرلى اۋداندارىندا - نورمادان 1°C تومەن بولادى دەپ كۇتىلۋدە. قازاقستاننىڭ باسىم بولىگىندە جاۋىن- شاشىن مولشەرى نورما شاماسىندا، ەلىمىزدىڭ سولتۇستىك- شىعىس جارتىسىندا جانە وڭتۇستىك- شىعىس ايماقتارىنىڭ تاۋلى، تاۋ بوكتەرىندەگى اۋداندارىندا نورمادان كوپ، رەسپۋبليكانىڭ وڭتۇستىك- باتىس جارتىسىندا نورمادان از بولادى»، - دەدى قازگيدرومەت.
قاراشا ايىندا قار جامىلعىسى پايدا بولادى جانە قالىپتاسادى. كوپجىلدىق مالىمەتتەرگە سايكەس، قار جامىلعىسى قالىپتاسۋىنىڭ ورتاشا كۇنى: سولتۇستىك جانە شىعىس ايماقتاردا - قاراشا ايىنىڭ ورتاسىندا، قازاقستاننىڭ ورتالىق بولىگىندە - قاراشانىڭ ەكىنشى جارتىسىندا، ەلىمىزدىڭ باتىسى مەن وڭتۇستىك- شىعىسىندا - قاراشانىڭ سوڭىندا جانە جەلتوقساننىڭ ءبىرىنشى جارتىسىندا، رەسپۋبليكانىڭ وڭتۇستىگىندە جانە وڭتۇستىك- باتىسىندا - جەلتوقساننىڭ ءۇشىنشى ونكۇندىگىندە.
اۆتور: بالنۇر قوجاگەلدى