15:24, 20 - قازان 2020 | GMT +6
الماتىدا دەزينفەكسيالىق جۇمىستار قايتا باستالدى
الماتى. قازاقپارات - الماتىدا كوپقاباتتى تۇرعىن ۇيلەردىڭ كىرەبەرىستەرى مەن ويىن الاڭدارىندا دەزينفەكسيا جۇمىستارى قايتا باستالادى، دەپ حابارلايدى قازاقپارات ءتىلشىسى.
الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس، قالالىق تۇرعىن ءۇي ساياساتى باسقارماسى كوپپاتەرلى ۇيلەردىڭ كىرەبەرىستەرى مەن بالالار الاڭدارىن اپتاسىنا 1 رەت پروفيلاكتيكالىق زارارسىزداندىرۋ جۇمىستارىن قايتا باستادى.
سونىمەن قاتار، كوروناۆيرۋس ينفەكسيامەن اۋىرۋ جاعدايى تىركەلگەن جاعدايدا تۇرعىن ۇيلەردىڭ كىرەبەرىستەرىنە قورىتىندى تۇرىندە ءبىر رەت زارارسىزداندىرۋ جۇرگىزىلەدى. تۇرعىن ۇيلەردىڭ كىرەبەرىستەرىنە پروفيلاكتيكالىق ماقساتتا جيىلىكپەن اپتاسىنا 1 رەت زارارسىزداندىرۋ جۇرگىزىلەدى. ايتا كەتەيىك، 15-قازان كۇنى الماتىدا كارانتين تالاپتارىنا قاتىستى جاڭا قاۋلى شىققان بولاتىن. وندا قالادا بۇقارالىق ءىس-شارالارعا تىيىم سالۋ ساقتالاتىنى جازىلعان.