+7 (701) 759 90 19
-21 °С : نۇر-سۇلتان
-3 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

مينيستر مەكتەپتەگى دارەتحانا تۋرالى: ۇساق ماسەلە دەپ قاراۋعا بولمايدى

20 قازان 15:09
:ءبولىسۋ
مينيستر مەكتەپتەگى دارەتحانا تۋرالى: ۇساق ماسەلە دەپ قاراۋعا بولمايدى

نۇر-سۇلتان. قازاقپارات - ءبىلىم بەرۋ ۇيىمدارىن جىلى دارەتحانالارمەن قامتۋدى ۇساق ماسەلە دەپ قاراۋعا بولمايدى.

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«جالپى اۋقىمدى جۇمىس جۇرگىزىلدى. بىزگە «بۇل مينيسترلىك دەڭگەيىندە قارايتىن ماسەلە ەمەس» دەگەن پىكىرلەر جەتىپ جاتىر. ءبىراق، بالالاردىڭ قاۋىپسىزدىگىنە، دەنساۋلىعىنا بايلانىستى ماسەلە بولعاننان كەيىن مۇنى ۇساق جايت دەپ قاراۋعا بولمايدى. وتە ماڭىزدى ماسەلە. الدىڭعى جىلى تاراز قالاسىندا ورىن العان وقيعا ءالى دە ەستەرىڭىزدە بولۋى كەرەك. سوندىقتان بىزگە بۇل ماسەلەنى شەشۋ بويىنشا 10 اي بۇرىن مەملەكەت باسشىسىنىڭ تاپسىرماسى بولعان. قازىر وزدەرىڭىز كورىپ وتىرسىزدار، بۇعان دەيىن 2700 مەكتەپتىڭ سانيتارلىق- گيگيەنالىق قاجەتتىلىكتەرى بولماسا، بۇگىندە 2456 مەكتەپتە جىلى دارەتحانالار سالىنىپ، پايدالانۋعا بەرىلىپ وتىر. قالعانى - 245. ونىڭ 195 ى قازىر سالىنۋدا، قالعان 50 ى بويىنشا دا جۇمىس باستالىپتى»، - دەدى اسحات ايماعامبەتوۆ مينيسترلىكتىڭ اپپارات كەڭەسى بارىسىندا.

سونىمەن قاتار مينيستر جىلى دارەتحانالاردىڭ جۇمىس ىستەپ تۇرۋى، ودان كەيىن بولەك كابينالاردىڭ بولۋى، سۋمەن قامتاماسىز ەتىلۋى، باسقا دا ماسەلەلەر شەشىلۋى كەرەكتىگىن باسا ايتتى.

«دارەتاحانانى سالعانىمەن ونى جاۋىپ قويىپ، دالاداعى دارەتحاناعا بارىپ جۇرەتىندەي جاعدايعا جول بەرمەۋىمىز كەرەك. ونداي جايتتار دا كەزدەسىپ تۇرادى، جاسىراتىنى جوق. ونى الدىڭعى جىلى كوردىك. سوندىقتان ۇلكەن جۇمىس جۇرگىزىلدى دەۋگە بولادى. دەگەنمەن، وڭىرلەر بويىنشا جىلدىڭ سوڭىنا دەيىن جۇرگىزىلەتىن جۇمىس كورسەتىلدى. ءبىلىم باسقارمالارىنىڭ باسشىلارى وسىنى باستى باقىلاۋعا الۋى كەرەك. جەلتوقساندا بۇل ماسەلەنى قايتا قارايمىز»، - دەدى ول.

ايتا كەتەرلىگى، اپپارات كەڭەسى بارىسىندا ق ر ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ باسشىسى گۇلزات كوبەنوۆا اتىراۋ، الماتى، شىعىس قازاقستان، جامبىل، باتىس قازاقستان، قاراعاندى، تۇركىستان وبلىستارىندا جانە شىمكەنت قالاسىندا مەكتەپتەرگە جىلى دارەتحانا سالۋ ماسەلەسى تەجەلىپ وتىرعانىن ايتقان ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات