ەلىمىزدە دارەتحاناسى اۋلادا ورنالاسقان قانشا مەكتەپ بار

None
None
نۇر-سۇلتان. قازاقپارات - ەلىمىزدە دارەتحاناسى اۋلادا ورنالاسقان 245 مەكتەپ قالىپ وتىر.

بۇل تۋرالى ق ر ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ باسشىسى گۇلزات كوبەنوۆا ايتتى، دەپ حابارلايدى قازاقپارات ءتىلشىسى.

«بۇگىندە مونيتورينگپەن 6971 مەكتەپ قامتىلدى. تەك 245 مەكتەپ عانا اۋلاداعا دارەتحانا قالىپ وتىر. ءىس جۇزىندە ءبىر جىل بۇرىن بۇل سان 2700 دەن استامدى مەكتەپتى قۇراعان بولاتىن. وسى ارقىلى وڭىرلەردەگى جىلى تۋالەت ورناتۋ ديناميكاسىن بايقايمىز. دارەتحانا اۋلادا ورنالاسقان 245 مەكتەپتە جىنىسىنا بايلانىستى ءبولۋ، ارالىق قابىرعا ورناتۋ سىندى پروبلەمالار بار. دەگەنمەن، بۇل مەكتەپتەر شەشىم تاۋىپ جاتىر. ولاردىڭ ىشىندە 195 ءبىلىم بەرۋ ۇيىمى جىلى دارەتحانا ورناتۋ جۇمىستارىن جۇرگىزۋ ۇستىندە. قالعان 50 مەكتەپكە قاتىستى ماسەلە شەشىلۋدە. بۇل ءبىلىم وردالارى اتىراۋ، الماتى، شىعىس قازاقستان، جامبىل، باتىس قازاقستان، قاراعاندى، تۇركىستان وبلىستارىندا جانە شىمكەنت قالاسىندا ورنالاسقان»، - دەدى گۇلزات كوبەنوۆا مينيسترلىكتىڭ اپپارات كەڭەسى بارىسىندا.

ونىڭ اتاپ وتۋىنشە، دارەتحانالاردى جىنىسقا بايلانىستى ءبولۋ، ارالىق قابىرعا جاساۋ ماسەلەلەرىنە دە مونيتورينگ جۇرگىزىلگەن. 33 مەكتەپ ءدال وسىنداي سايكەسسىزدىكتى جويۋى ءتيىس. 195 مەكتەپتە اتالعان پروبلەمانى جويۋعا باعىتتالعان جۇمىس اياقتالۋعا جاقىن. ولاردىڭ بارلىعىندا جىل سوڭىنا دەيىن كەمشىلىكتەردى جويۋ جۇمىستارى اتقارىلادى.

«مەملەكەت باسشىسىنىڭ تاپسىرماسىنا سايكەس، وتكەن جىلدىڭ قاراشاسىنان بۇگىنگە دەيىن 2700 مەكتەپتىڭ ىشىندە 2456 ءبىلىم بەرۋ ۇيىمىنا جىلى دارەتحانا ورناتىلدى. جىلى دارەتحانالار تولىققاندى جۇمىس ىستەۋ ءۇشىن جىنىسىنا قاراي ءبولۋ، ارالىق قابىرعا قاراستىرۋ، سۋ بەرۋ ماسەلەسىن شەشۋ قاجەتتىگىنە نازار اۋدارتقىم كەلەدى. ءالى كۇنگە دەيىن 197 ۇيىمدا سۋ بەرۋ پروبلەما ورىن الىپ وتىر. سونىمەن قاتار كارىز جۇيەسىنە قوسۋ ماسەلەسىن دە شەشكەن ءجون»، - دەدى ول.

سوڭعى جاڭالىقتار