جانداربەك بەكشين كينوتەاترلاردى نەگە اشىپ جاتقانىن ءتۇسىندىردى

None
None
الماتى. قازاقپارات - الماتىدا وتكەن ونلاين بريفينگ بارىسىندا الماتى باس سانيتارلىق دارىگەرى جانداربەك بەكشين نەلىكتەن كينوتەاترلاردىڭ جۇمىسىنا رۇقسات بەرىلگەنىن ءتۇسىندىردى، دەپ حابارلايدى قازاقپارات ءتىلشىسى.

ونىڭ ايتۋىنشا، قازىر كينوتەاترلار مەن ساۋدا ويىن ساۋىق ورتالىعىنىڭ سەنبى كۇندەرى اشىلۋىنا قاتىستى تالقىلاۋ ءجۇرىپ جاتىر.

«بۇل تەك جاسىل ايماقتاعى وڭىرلەرگە عانا قاتىستى. ەگەر، اۋرۋ كورسەتكىشتەرى ءوسىپ بارا جاتسا، كينوتەاترلاردىڭ اشىلۋى تۋرالى ماسەلە قاراستىرىلمايدى. كينوتەاتر باسشىلارى ۇجىمدىق رەتسەركۋلياتسيا، باكتەريتسيدتى شامدار ورناتا باستادى. زالعا 30 پايىزدان ارتىق ادام كىرگىزبەۋ، ادامداردى قاشىقتان وتىرعىزۋ سياقتى ۇسىنىستار ايتىپ جاتىر. ال ساۋدا- ويىن ساۋىق ورتالىقتارىندا كوڭىل كوتەرۋ ورىندارى بۇرىنعىداي جابىق بولادى. بيزنەس وكىلدەرى وسى ۋاقىتقا دەيىن جاي قاراپ وتىرعان جوق. ۇجىمدىق دياگنوستيكانىڭ ءتۇرلى شارالارىن قابىلدادى. قازىر ساۋدا ويىن ساۋىق ورتالىعىندا كەلۋشىلەردىڭ سانىن ەسەپتەۋگە مۇمكىندىك تۋدى. ەگەر كەلۋشىلەر سانى 30 پايىزدان اسىپ كەتسە، ورتالىق باسشىلىعى بىردەن نىساندى جابۋى ءتيىس. بيزنەس وكىلدەرى ورتالىقتا رەتسەركۋلياتسيا، اۋانى زارارسىزداندىرۋ سياقتى ءتۇرلى شارالاردى قولعا الىپ جاتىر. بۇل جەردە نەگىزگى ماقسات باسقا نىساندارعا جۇكتەمەنى ازايتۋ. ەكى كۇن قاتارىنان اۋرۋ كورسەتكىشىنىڭ شەكتى ءوسىم دەڭگەيىنەن اسىپ جاتقان جوق. ەگەر ودان اسىپ كەتسە، كارانتيندى جەڭىلدەتۋ شارالارى مۇلدە قاراستىرىلمايدى»، - دەدى بەكشين.

ونىڭ ايتۋىنشا، بۇل ماسەلە بىردەن قابىلدانبايدى.

«ق ر باس سانيتارلىق دارىگەرىنىڭ قاۋلىسىنان سوڭ بۇل ماسەلە قوعامدىق ۇيىمدار، بيزنەس، قالا بيلىگىنىڭ قاتىسۋىمەن قالالىق شتابتا قارالادى. ول نىساندار جۇمىس ىستەپ تۇر. تەك سەنبى كۇندەرى كەشكى 17:00 دەيىن جۇمىس ىستەۋى قاراستىرىلادى»، - دەدى دارىگەر.

ايتا كەتۋ كەرەك، الماتىدا ەپيدەميولوگيالىق احۋال تۇراقتى دەسە دە بولادى. تاۋلىكتىك ءوسىم كولەمى 0,5 پايىز بولىپ وتىر. وتكەن تاۋلىكتە قالادا 12 ادام ۆيرۋس جۇقتىرعانى انىقتالدى. ونىڭ ىشىندە 10 ادام جەرگىلىكتى بولسا، 2 ادام ۆيرۋستى ەگيپەتتەن جۇقتىرىپ كەلگەن.

ەسكە سالا كەتسەك بۇعان دەيىن ۇكىمەت جانىنداعى ۆەدومستۆوارالىق كوميسسيانىڭ شەشىمىنە سايكەس، ەل وڭىرلەرىندەگى شەكارادان وتكىزۋ پۋنكتەرىندە سانيتارلىق- ەپيدەميولوگيالىق باقىلاۋ كۇشەيتىلەتىنى حابارلانعان بولاتىن. كوميسسيا شەشىمىنە سايكەس قازاقستان كوروناۆيرۋسقا قاتىستى احۋالى ناشار ەلدەرگە اۋە رەيستەرىن قىسقارتادى.

سوڭعى جاڭالىقتار