باس سانيتار جانداربەك بەكشين الماتىلىقتارعا ەسكەرتۋ جاريالادى

الماتى. قازاقپارات - الماتى قالاسىنىڭ باس مەملەكەتتىك سانيتار دارىگەرى جانداربەك بەكشين الماتىلىقتاردى شەت ەلگە شىقپاۋعا جانە قوعامدىق كولىكتەرگە مەيىلىنشە وتىرماۋعا شاقىردى، دەپ حابارلايدى قازاقپارات ءتىلشىسى.

«كوروناۆيۋرستى ىقتيمال ەكىنشى تولقىنىنا بايلانىستى ستاندارتتى ساقتىق شارالارىن ەلەمەۋگە بولمايدى، ياعني قوناق شاقىرۋعا، جاپپاي وتباسىلىق ءىس-شارالار وتكىزۋگە، ادامدار كوپ جينالاتىن جەرگە بارۋدان اۋلاق بولعان ءجون. قوعامدىق كولىكتەرگە شۇعىل بولماسا وتىرماۋعا جانە شەت ەلدەرگە قاجەتتىلىك تۋىنداماسا شىقپاۋعا شاقىرامىن. وتاباسىنداعى ەگدە جاستاعى ادامدار مەن كىشكەنتاي بالالاردى قورعاۋعا كەڭەس بەرەمىن»، - دەدى جانداربەك بەكشين.

سونىمەن قاتار، ول ج ر ۆ ي جۇقتىرعان جاعدايدا ءوز بەتىنشە ەمدەلمەۋ كەرەكتىگىن ەسكەرتتى. «ەگەر سۋىق ءتيۋدىڭ بەلگىلەرىن بايقاساڭىز، وتباسى مۇشەلەرىنەن وقشاۋلانىڭىز جانە دارىگەرلەردى شاقىرىپ، مەديتسينالىق كومەككە جۇگىنىڭىز»، - دەدى ول.

اۆتور: الما مۇقانوۆا