سولتۇستىك قازاقستان مەن قوستاناي وبلىستارىندا قۇس تۇماۋىنىڭ سالدارى قانداي

None
None
نۇر-سۇلتان. قازاقپارات - بۇگىن ۇكىمەت وتىرىسىندا سولتۇستىك قازاقستان مەن قوستاناي وبلىستارىنىڭ اكىمدەرى قۇس تۇماۋى ماسەلەسىنە قاتىستى ەسەپ بەردى، دەپ حابارلايدى قازاقپارات ءتىلشىسى.

«ءبىزدىڭ وبلىسپەن شەكارالاس ورنالاسقان رەسەيدىڭ وڭىرلەرىندە قۇس تۇماۋى پايدا بولىپ، ءبىراز قۇس قىرىلدى. سالدارىنان قۇس تۇماۋى بىزگە دە تارادى. 28-تامىزدا قۇس فابريكالارىنىڭ باسشىلارىمەن شۇعىل كەڭەس وتكىزىلىپ، وندا اۋرۋدىڭ تارالۋىنا جول بەرمەۋدىڭ الگوريتمى ازىرلەندى. دەگەنمەن وبلىس اۋماعىندا قۇس تۇماۋى تىركەلىپ، 450 مىڭ فاكتى انىقتالدى»، - دەدى س ق و اكىمى قۇمار اقساقالوۆ.

وسى ورايدا اكىم اۋرۋدىڭ ءۇي قۇستارىنا تارالۋىنا جابايى قۇستار اسەر ەتكەنىن جەتكىزدى.

«دياگنوز راستالعان ەلدى مەكەندەردە كارانتين رەجيمى بەلگىلەندى، ۆاكسينانىڭ 873 مىڭ دوزاسى ءبولىندى، 554 مىڭ قۇسقا ەكپە جاسالدى. قۇس يەلەرىنە 66 ميلليون تەڭگە وتەماقى تولەندى. وسى باعىتتا جۇمىس جالعاسادى. اۋىل شارۋاشىلىعى مينيسترلىگىنە وتەماقى تولەۋ ءۇشىن قوسىمشا قاراجات ءبولۋ تۋرالى ءوتىنىم جولدادىق»، - دەدى ق. اقساقالوۆ.

ونىڭ ايتۋىنشا، وبلىستا زارداپ شەككەن قۇس فابريكاسىن قالپىنا كەلتىرۋ جوسپارى ازىرلەندى. بالاپان ساتىپ الۋعا قارجىلاي قولداۋ تەتىگى قاراستىرىلۋدا. ءوز كەزەگىندە قوستاناي وبلىسىنىڭ اكىمى ارحيمەد مۇحامبەتوۆ سوڭعى 17 كۇندە قۇستار اراسىندا ءولىم تىركەلمەگەنىن جەتكىزدى.

«جەكە ءۇي اۋلاسىنا ارنالعان ۆاكسينانىڭ 491 مىڭ دوزاسى الىندى، ۆاكسينالاۋ شارالارى اياقتالدى. سونىمەن قاتار قۇس فابريكالارى ءوز قاراجاتى ەسەبىنەن 625 مىڭ قۇسقا ەكپە جاسادى. جالپى سوماسى 45 ميلليون 500 تەڭگە قۇرايتىن 35,3 مىڭ قۇستىڭ قۇنىن وتەۋ ءۇشىن قۇجاتتار جولداندى. 2543 قۇس ءۇشىن 7,5 ميلليون تەڭگە سوماسىندا وتەماقى تولەندى، بۇل باعىتتاعى جۇمىستار جالعاسۋدا»، - دەدى ا. مۇحامبەتوۆ.

ايتا كەتەيىك، اۋىل شارۋاشىلىعى ءمينيسترى ساپارحان وماروۆ پاتوگەندى قۇس تۇماۋىنان 873,9 مىڭ قۇس قىرىلعانىن ءمالىم ەتتى.

سوڭعى جاڭالىقتار