+7 (701) 759 90 19
-18 °С : نۇر-سۇلتان
-4 °С : الماتى
USD 420.79 EUR 511.98
RUB 5.67 CNY 64.46
جاڭالىقتار

ەرتەڭنەن باستاپ تۇركيا، ب ا ءا، ۋكرايناعا ۇشاتىن اۋە رەيستەرى قىسقارادى

20 قازان 11:58
:ءبولىسۋ
ەرتەڭنەن باستاپ تۇركيا، ب ا ءا، ۋكرايناعا ۇشاتىن اۋە رەيستەرى قىسقارادى

نۇر-سۇلتان. قازاقپارات - Air Astana كومپانياسى كۇزگى- قىسقى ناۆيگاتسيا كەزەڭىندە حالىقارالىق رەيستەردى كەيبىر وزگەرىستەرمەن جالعاستىرادى، دەپ حابارلايدى قازاقپارات ءتىلشىسى.

«2020-جىلدىڭ 21- قازانىنان باستاپ ق ر دەنساۋلىق ساقتاۋ مينيسترلىگىنىڭ تاپسىرماسىنا سايكەس Air Astana تۇركيا، ب ا ءا، ۋكراينا جانە گەرمانياعا حالىقارالىق رەيستەر سانىن ازايتادى.

وسىلايشا، ىستامبۇلعا ۇشۋدىڭ اپتالىق جيىلىگى 16 دان 12 گە، دۋبايعا - 12 دەن 8 گە، كيەۆكە - 3 تەن 1 گە، فرانكفۋرتقا - 6 دان 4 رەيسكە دەيىن تومەندەيدى. اۋە كومپانياسى شارم-ەل-شەيح پەن مالديۆ ارالدارىنا چارتەرلىك رەيستەر جاساماق. ىشكى رەيستەر كەستەسى وزگەرىسسىز قالادى»، - دەپ حابارلايدى كومپانيادان.

اۋە كومپانياسىنىڭ پرەزيدەنتى پيتەر فوستەر الەم ەلدەرىنىڭ ۇكىمەتتەرىنىڭ ۆيرۋستىڭ تارالۋىن توقتاتۋعا ارنالعان ارەكەتتەرىن قولدايتىنىن جەتكىزدى.

«ساياحاتتاۋ، تۋريستىك جانە رەكرەاتسيالىق يندۋستريا - بۇل الەمدىك ەكونوميكالىق قىزمەت پەن جۇمىس ورىندارى ۇلعايۋىنىڭ قۋاتتى گەنەراتورى. بۇل سالالاردىڭ 2021-جىلدىڭ باسىندا تولىعىمەن جاندانۋى وتە ماڭىزدى، ايتپەسە قارجىلىق جانە الەۋمەتتىك سالدارى ۇلتتىق ەكونوميكا ءۇشىن دە، ادامداردىڭ ءومىرى ءۇشىن دە وتە اۋىر بولادى. IATA مەن ءبىز تولىق مۇشە بولعان Asia Pacific Airlines قاۋىمداستىعىنىڭ (AAPA) حاتتامالارىنا سايكەس حالىقارالىق رەيستەرمەن ۇشپاق جولاۋشىلاردى COVID-19 انىقتايتىن تەستىلەۋ وسىنداي قايتا ىسكە قوسۋى ءۇشىن ماڭىزدى دەپ سانايمىز»، - دەيدى ول.

IATA زەرتتەۋلەرىنە سايكەس، ۇشاق سالونى كوروناۆيرۋس ينفەكتسياسىنا قارسى باسقا قوعامدىق ورىندارمەن سالىستىرعاندا ەڭ قاۋىپسىز. ال پ ت ر تەستىلەرى مەن بورتتىق ماسكالار ينفەكتسيانىڭ تارالۋىمەن كۇرەسۋدىڭ ءتيىمدى ادىستەرى. سونىمەن، 2020-جىلدىڭ باسىنان باستاپ تاسىمالداۋ كەزىندە ينفەكتسيانىڭ 44 وقيعاسى تىركەلگەن. وسى كەزەڭدە 1,2 ميلليارد جولاۋشىنىڭ تاسىمالدانعانىنا قاراماستان، بۇل ورتاشا ەسەپپەن 27 ميلليون جولاۋشىعا 1 وقيعا.

ەسكە سالا كەتسەك بۇعان دەيىن ۇكىمەت جانىنداعى ۆەدومستۆوارالىق كوميسسيانىڭ شەشىمىنە سايكەس، ەل وڭىرلەرىندەگى شەكارادان وتكىزۋ پۋنكتەرىندە سانيتارلىق-ەپيدەميولوگيالىق باقىلاۋ كۇشەيتىلەتىنى حابارلانعان بولاتىن. كوميسسيا شەشىمىنە سايكەس قازاقستان كوروناۆيرۋسقا قاتىستى احۋالى ناشار ەلدەرگە اۋە رەيستەرىن قىسقارتادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات