+7 (701) 759 90 19
-23 °С : نۇر-سۇلتان
-3 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

ءبىلىم مينيسترلىگى ەكىنشى توقسانداعى وقۋ تۋرالى: د س م شەشىمىن كۇتىپ وتىرمىز

20 قازان 11:27
:ءبولىسۋ
ءبىلىم مينيسترلىگى ەكىنشى توقسانداعى وقۋ تۋرالى: د س م شەشىمىن كۇتىپ وتىرمىز

نۇر-سۇلتان. قازاقپارات - الەۋمەتتىك جەلىلەردە 2021-جىلى وقۋشىلاردى قاشىقتان وقىتۋ فورماتى جالعاساتىنى جايلى اقپارات تاراعان ەدى.

ءبىلىم جانە عىلىم مينيسترلىگى بۇل مالىمەتتى جوققا شىعاردى، دەپ حابارلايدى قازاقپارات ءتىلشىسى.

«العاشقى توقسان 5- قاراشادا اياقتالادى. سانيتاريالىق دارىگەرلەردىڭ تالاپتارى بويىنشا وقۋشىلار نەگىزىنەن قاشىقتان وقۋدا. اتا-انالاردىڭ تالاپ-تىلەكتەرى بويىنشا 1-4- سىنىپ وقۋشىلارى سانيتاريالىق تالاپتاردىڭ ساقتالۋىمەن كەزەكشى سىنىپتاردا ءبىلىم الىپ جاتىر. ءبىر سىنىپتا وقۋشىلاردىڭ سانى 15 تەن اسپاۋى كەرەك. ەكىنشى توقسان بويىنشا دەنساۋلىق ساقتاۋ مينيسترلىگىنىڭ شەشىمىن كۇتىپ وتىرمىز. باس مەملەكەتتىك سانيتاريالىق دارىگەر ءتيىستى قاۋلى شىعارادى. دەنساۋلىق ساقتاۋ مينيسترلىگىنەن شەشىم شىققاننان كەيىن ونى بىردەن حابارلايتىن بولامىز»، - دەدى ءبىلىم جانە عىلىم مينيسترلىگىنىڭ باسپا ءسوز حاتشىسى گاۋحار وماربەك.

ونىڭ ايتۋىنشا، كارانتين شەكتەۋلەرى جاعدايىندا وقىتۋ فورماتى تۋرالى شەشىمدى باس مەملەكەتتىك سانيتاريالىق دارىگەر قابىلدايدى.

«مەكتەپ جۇمىسىنىڭ فورماتى كينوتەاترلار، ساۋدا ورتالىقتارى، فيتنەس-ورتالىقتار سەكىلدى سانيتاريالىق دارىگەرلەردىڭ شەشىمى مەن ەپيدەميولوگيالىق احۋالعا بايلانىستى بولادى. تەك شىنايى اقپارات كوزدەرىنە سەنۋگە شاقىرامىز. جالعان اقپارات تاراتقان ادامداردىڭ قىلمىستىق جاۋاپكەرشىلىككە تارتىلاتىنىن ەسكەرتەمىز»، - دەيدى گاۋحار وماربەك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات