قۇس تۇماۋىنا قاتىستى جاعداي تۇراقتاندى - اسقار مامين
«اگروونەركاسىپ كەشەنىنىڭ باسەكەگە قابىلەتتىلىگى ۆەتەريناريالىق جانە فيتوسانيتاريالىق جاعدايمەن تىكەلەي بايلانىستى. بۇل ماڭىزى ۇلكەن ماسەلە. مەملەكەت وسى باعىتتى دامىتۋعا اسا نازار بولۋدە. حالىقارالىق ەپيزيوتيكالىق بيۋرونىڭ دەرەكتەرىنە سايكەس، قازاقستاننىڭ ءبىرقاتار اۋرۋ تۇرلەرى بويىنشا قاۋىپسىز ەل دەگەن رەسمي حالىقارالىق مارتەبەسى بار. دەگەنمەن كەيبىر وڭىرلەردە قۇس تۇماۋىنىڭ پايدا بولۋى - باقىلاۋشى ورگانداردىڭ، ونىڭ ىشىندە جەدەل شارالار قابىلداۋ جونىندەگى قىزمەتىندە ءبىرقاتار كەمشىلىكتەرىنىڭ بار ەكەنىن كورسەتتى. بۇگىنگى تاڭدا قۇس تۇماۋىنا قاتىستى جاعداي تۇراقتاندى جانە باقىلاۋدا»، - دەدى پرەمەر-مينيستر ۇكىمەت وتىرىسىندا.
وسى ورايدا ا. مامين جاعدايعا مونيتورينگ جۇرگىزۋدى جالعاستىرىپ، قاجەت بولعان كەزدە الدىن الۋ شارالارىن جەدەل قابىلداۋ كەرەكتىگىن تاپسىردى.
«فيتوسانيتاريا سالاسىندا جۇيەلى جۇمىس جۇرگىزىلىپ جاتىر. اسا قاۋىپتى زيانكەستەر مەن ارامشوپتەرگە قارسى ۋاقتىلى قابىلدانعان قورعاۋ ءىس-شارالارى اۋىل شارۋاشىلىعى داقىلدارى ەگىستىكتەرىنە زيان كەلتىرمەۋگە مۇمكىندىك بەردى. بيىلدان باستاپ پەستيتسيدتەردى قولدانۋعا سۋبسيديا بەرۋ مەحانيزمى ىسكە قوسىلدى. اكىمدىكتەر وسى ماسەلەنى ەرەكشە باقىلاۋدا ۇستاسىن جانە تىڭايتقىشتاردى قولدانۋدى ۇلعايتۋدى قامتاماسىز ەتسىن. ءتيىستى مەملەكەتتىك قولداۋ شارالارى كوزدەلگەن»، - دەدى ۇكىمەت باسشىسى.