قىتايدا شاحتادا بولعان جارىلىستان ءتورت ادام مەرت بولدى

بەيجىڭ. شينحۋا- قازاقپارات - سەيسەنبى كۇنى قىتايدىڭ سولتۇستىگىندەگى شانسي پروۆينتسياسىنىڭ كومىر شاحتاسىندا بولعان جارىلىس سالدارىنان ءتورت ادام قازا تاۋىپ، تاعى بىرەۋى جاراقات الدى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

اگەنتتىكتىڭ حابارلاۋىنشا، جارىلىس Lu'an Group كومپانياسىنا تيەسىلى نىسان اۋماعىندا جەرگىلىكتى ۋاقىت بويىنشا ساعات 02:00 دە ورىن العان.

بيلىكتىڭ مالىمەتتەرىنە قاراعاندا، وقيعاعا شىققان گازدىڭ جارىلىسى سەبەپ بولعان. شاحتادا قۇتقارۋ جۇمىستارى اياقتالدى.

زارداپ شەگۋشى اۋرۋحانادا. وقيعانىڭ ءمان-جايى انىقتالۋدا، تەرگەۋ جۇرگىزىلىپ جاتىر.