بىشكەكتە العاش رەت كوروناۆيرۋستى قايتا جۇقتىرۋ جاعدايلارى انىقتالدى
بۇل تۋرالى قالانىڭ مەملەكەتتىك سانيتارلىق-ەپيدەميولوگيالىق قاداعالاۋ ورتالىعىنىڭ (م س ە ق و) باس دارىگەرى كۋبان كۋنداشيەۆ ءمالىم ەتتى، دەپ حابارلايدى قازاقپارات كابار اگەنتتىگىنە سىلتەمە جاساپ.
باس دارىگەردىڭ ايتۋىنشا، قازىرگى ۋاقىتتا قايتا انىقتالعان كوروناۆيرۋس جاعدايلارى مەن اۋرۋحانادان تىس پنيەۆمونيانىڭ سانى تۋرالى ناقتى مالىمەتتەر جوق.
«ءبىراق ەل استاناسىندا رەسمي تۇردە راستالعان كوروناۆيرۋستى قايتا جۇقتىرۋدىڭ ەكى جاعدايى انىقتالعان. ءبىراق مەنىڭ بىلۋىمشە، ولاردىڭ سانى جەتىگە جەتكەن بولۋى كەرەك»، - دەدى ول.
سونداي-اق ورتالىق باسشىسى قايتا جۇقتىرۋدىڭ العاشقى وقيعاسى ەر ادامنان زەرتحانالىق تۇردە انىقتالعانىن، ەكىنشى كورناۆيرۋسقا قايتا شالدىققان قالا تۇرعىنى اۋرۋحانادان تىس پنيەۆمونيامەن اۋىرىپ شىققانىن ايتتى.
ونىڭ بۇرىن اۋرۋ ءورشىپ تۇرعان كەزدە وكپەسى %25 عا زاقىمدانسا، قازىر %65 عا جەتكەن.