تۇركىستان ءىرى ۇلتتىق قولونەر ورتالىعىنا اينالادى
ءىس-شارانى تۇركىستان وبلىستىق تۋريزم باسقارماسىنىڭ باسشىسى گۇلميرا احبەرديەۆا اشتى.
باس قوسۋعا «Kazakh Tourism» ۇ ك ا ق تۋريستىك ونىمدەردى دامىتۋ دەپارتامەنتىنىڭ ديرەكتورى دانيەل سەرجان ۇلى، «اتامەكەن» ۇ ك پ تۇركىستان وبلىستىق فيليالى ديرەكتورىنىڭ ورىنباسارى ولجاس جانسەيتوۆ، «Aigul line « برەندىنىڭ نەگىزىن قالاۋشى، Qazaq-Oner قولونەرشىلەر ورتالىعىنىڭ باسشىسى ايگۇل جانسەرىكوۆا، ب ۇ ۇ د ب وكىلدەرى جانە جەرگىلىكتى قولونەرشىلەر قاتىستى.
گۇلميرا احبەرديەۆا قولونەر جانە كادەسىي ونىمدەرى ارقىلى اۋماقتىق برەندينگ ماسەلەسىن قوزعادى.
ول وڭىرگە كەلەتىن تۋريستەردىڭ قازاق حالقىنىڭ تاريحى، ءداستۇرى مەن مادەنيەتىنىڭ ءبىر بولىگىن وزىمەن بىرگە الىپ كەتكىسى كەلەتىندىگىن اتاپ ءوتتى.
قازىرگى كەزەڭدە قازاقستاندا قولونەردىڭ ءرولى ۇلتتىق مادەنيەتتەگى كوپ عاسىرلىق قولونەر تاريحىنا قاراماستان، كولەڭكەدە قالىپ وتىر. كوبىنەسە، قولونەر شەبەرلەرى ءوز كۇش-جىگەرىن وندىرىستىك اسپەكتىلەرگە عانا جۇمساپ كەلەدى. ەجەلدەن قولونەر ورتالىعى بولىپ سانالاتىن تاريحي شاھارداعى ۇلتتىق قولونەردى دامىتۋ، تۇركىستان قالاسىن الەمدىك دەڭگەيدەگى ءىرى ۇلتتىق قولونەر ورتالىعىنا اينالدىرۋ باعىتىندا جۇيەلى جۇمىستار جۇرۋدە.
وسى ورايدا، «Kazakh Tourism» ۇ ك» ا ق- مەن تۋريزم سۋبەكتىسى رەتىندە قولونەرشىلىكتى دامىتۋدى كەشەندى زەرتتەۋ جوباسى اياسىندا ەلىمىزدە ءونىمدى وتكىزۋ، ىلگەرىلەتۋ، وتكىزۋ الاڭدارىن قۇرۋ بويىنشا ماسەلەلەرىن رەتكە كەلتىرۋ جۇمىستارى جۇرگىزىلۋدە.
سونىمەن قاتار، شارا بارىسىندا «Aigul line « برەندىنىڭ نەگىزىن قالاۋشى ايگۇل جانسەرىكوۆا «Qazaq-Oner» قولونەرشىلەر ورتالىعىنىڭ جۇمىس تاجىريبەسىمەن ءبولىسىپ، ۇلتتىق بۇيىمداردىڭ وندىرىسىمەن قاتار، ونى ساتۋدىڭ جاڭا باعىتتارىن تابۋدى ۇسىندى.