قازاقستانداعى اسكەري پوليگوندار جاپپاي تازارتىلادى
قورعانىس مينيسترلىگىندە وتكەن اپپاراتتىق كەڭەستە اسكەرلەردى تەكسەرۋ قورىتىندىسى شىعارىلىپ، جاڭا وقۋ جىلىنا دايىندىق بويىنشا نۇسقاۋلار بەرىلدى.
«قورىتىندى تەكسەرۋدىڭ اياقتالعانى تۋرالى باياندادى. جەكە قۇرامنىڭ، اسىرەسە اتىستاردى ورىنداۋ جانە جاۋىنگەرلىك ماشينالاردى جۇرگىزۋدە كاسىبي دەڭگەيىنىڭ وسكەنى اتاپ ءوتىلدى. تەكسەرۋ بارىسىندا بەرىلگەن باعا جىل قورىتىندىسى بويىنشا اسكەري قىزمەتشىلەرگە سىنىپتىق بىلىكتىلىك بەرۋ ءۇشىن نەگىز بولادى، وعان سايكەس اقشالاي ۇستەمەاقى ەسەپتەلەدى. ەندى ءبىر اي كولەمىندە جەلتوقساندا باستالاتىن جاڭا وقۋ جىلىنا دايىندىق بويىنشا ءىس-شارالار ۇيىمداستىرىلادى»، دەلىنگەن حابارلامادا.
قورعانىس ۆەدومستۆوسىنىڭ باسشىسى گەنەرال-لەيتەنانت نۇرلان ەرمەكبايەۆ تاجىريبە ءۇشىن وق اتۋدان كەيىن قالعان وق-دارىلەردىڭ فراگمەنتتەرىن جاپپاي تازالاۋ جۇرگىزۋ قاجەت پوليگوندار مەن وقۋ-جاتتىعۋ الاڭدارىنا نازار اۋداردى. بۇعان ارنايى تەحنيكاسى بار شتاتتىق ينجەنەرلىك-ساپەرلىك بولىمشەلەر تارتىلادى.
«بۇدان بولەك، وق اتۋعا جانە جۇرگىزۋگە تارتىلعان وقۋ-جاۋىنگەرلىك تەحنيكاعا رەگلامەنتتىك قىزمەت كورسەتۋدى جۇرگىزۋ بويىنشا مىندەتتەر قويىلدى. جاڭا وقۋ جىلىنا ول جەكە قۇراممەن ساباق وتكىزۋگە دايىن بولۋى كەرەك. قورعانىس ءمينيسترى وقۋ-ادىستەمەلىك جيىنداردى وتكىزۋدە بارلىق سانيتاريالىق-ەپيدەميولوگيالىق شارالاردى ساقتاي وتىرىپ، جابىق ءۇي-جايلاردا ادامداردىڭ جينالۋىنا جول بەرمەۋدى تاپسىردى»، دەلىنگەن حابارلامادا.
اسكەري بولىمدەردە توتەنشە جاعدايلار مينيسترلىگىمەن ءورت قاۋىپسىزدىگى ەرەجەلەرىنىڭ ساقتالۋىن بىرلەسكەن تەكسەرۋ ۇيىمداستىرىلدى. ەڭ الدىمەن ماڭىزدى نىساندار - قويمالار، ارسەنالدار، جانارماي قۇيۋ بەكەتتەرى تەكسەرىلەدى. كومانديرلەر اتالعان تەكسەرۋدى ساپالى جۇرگىزۋ، ال بۇزۋشىلىقتار انىقتالعان جاعدايدا ولاردى جويۋ بويىنشا شارالار قابىلداۋ مىندەتىن الدى.