قازاقستاننىڭ ۇزدىك دەباتشىلارى انىقتالدى

None
None
نۇر-سۇلتان. قازاقپارات - 17-18- قازان كۇندەرى شىمكەنتتە «Nur Otan» پارتياسىنىڭ اۋىسپالى كۋبوگىنە ارنالعان XVIII رەسپۋبليكالىق پىكىرسايىس ءتۋرنيرى ءوتتى، دەپ حابارلايدى قازاقپارات «Jas Otan» جاستار قاناتىنا سىلتەمە جاساپ.

Jas Otan جانە ۇلتتىق پىكىرسايىس فەدەراتسياسى ۇيىمداستىرعان بريتاندىق جانە امەريكالىق پارلامەنت فورماتىنداعى تۋرنيرگە قازاقستاننىڭ ءار تۇكپىرىنەن 36 كوماندا قاتىستى.

تۋرنيردىڭ جالپى جۇلدە قورى 2 ميلليون تەڭگە بولعان.

«پىكىرسايىس تۋرنيرىنىڭ ماقساتى - ءوز ويىن ەمىن-ەركىن، ازات ءارى ناقتى دايەكتى تۇردە جەتكىزەتىن، تالانتتى، ءبىلىمدى جاستاردى قولداۋ. بۇل وسىمەن پارتيا تاراپىنان قولداۋ تاپقان كەزەكتى 18- تۋرنير. بۇل - ۇلكەن تاريح. ۇرپاقتار ساباقتاستىعىنىڭ ايقىن كورىنىسى - تۋرنيردىڭ قۇرمەتتى قوناقتارى قاتارىندا تۋرنيرگە ون جىل بۇرىن قاتىسقان اعا بۋىن وكىلدەرىنىڭ قاتىسۋى»، دەپ اتاپ ءوتتى ۇلتتىق پىكىرسايىس فەدەراتسياسىنىڭ پرەزيدەنتى بۇحارباي بولات جەڭىمپازداردى ماراپاتتاۋ راسىمىندە.

ۇيىمداستىرۋشىلار «شۆەد مودەلى» ءتيىمدى مە؟ ونلاين-وقىتۋ تۇراقتى تاجىريبەگە پايدالانعان ءجون بە؟ پرايمەريزدىڭ ەڭ ۇزدىك ناتيجەسى قانداي؟» وسى جانە باسقا دا كوپتەگەن تاقىرىپتاردى تۋرنيردىڭ وزەكتى ماسەلەلەرى دەپ تانىدى.

«جاستار اراسىنداعى پرايمەريزگە، تۇرمىستىق زورلىق-زومبىلىققا، سۋيتسيدكە جانە ت. ب. قاتىستى بۇگىنگى 12 وزەكتى تاقىرىپ الىندى. ءبىز وسى ماسەلەلەردى شەشۋدە جاستاردىڭ پىكىرىن ەسكەرۋ ماڭىزدى ەكەنىن ءتۇسىنۋىمىز كەرەك. پىكىرسايىس - ىمىراعا كەلۋدىڭ جاقسى قۇرالى. پرايمەريز كەزىندە كوپشىلىك الدىندا پىكىرسايىس مۇنىڭ ايقىن دالەلى بولدى. سونداي-اق، بۇل تۋرنير ءوز ويىن دۇرىس جەتكىزە الاتىن جاستاردى قولداۋعا ىقپال ەتەدى»، - دەيدى «Jas Otan» جاستار قاناتىنىڭ جەتەكشىسى ەلنۇر بەيسەنبايەۆ.

ناتيجەسىندە «ۇزدىك تورەشى» نوميناتسياسىن «اقيقات» پىكىرسايىس كلۋبىنىڭ وكىلى ءابدىساتتار شىدەرباي جەڭىپ الدى. پەتروپاۆل قالاسىنىڭ «يمپەراتور» فراكتسياسى «بەلسەندى قاتىسۋشى» نوميناتسياسى مەن 100 مىڭ تەڭگە كولەمىندەگى سەرتيفيكاتقا يە بولسا، ءۇشىنشى ورىن مەن 200 مىڭ تەڭگەنى - الماتى قالاسىنىڭ «KN» كومانداسى جانە كوكشەتاۋ قالاسىنىڭ «ۆاگابۋند» كومانداسى جەڭىپ الدى.

ەكىنشى ورىن مەن 300 مىڭ تەڭگە سەرتيفيكاتىن قازاق جانە ورىس ليگالارىندا دا نۇر-سۇلتان قالاسىنىڭ پىكىرسايىسشىلارى الدى.

قازاق ليگاسىندا ءبىرىنشى ورىندى الماتى قالاسىنىڭ «پرايمەريز» توبى، ورىس ليگاسىندا «پاۆلودار» توبى يەلەنىپ، 400000 تەڭگەلىك سەرتيفيكاتتارعا يە بولدى. سونداي-اق، «پرايمەريز» كومانداسىنىڭ پىكىرسايىسشىسى جارىلقاسىن ساقتاعان «ۇزدىك سپيكەر» اتاندى.

سوڭعى جاڭالىقتار