تۇمان، جەل، كوكتايعاق - سەيسەنبىگە ارنالعان اۋا رايى

نۇر-سۇلتان. قازاقپارات - 20 - قازاندا ەلىمىزدە كۇن اشىق بولادى، كەي جەرلەردە جەل كۇشەيىپ، تۇمان تۇسەدى، كوكتايعاق بولۋى ىقتيمال، دەپ حابارلايدى قازاقپارات قازگيدرومەتكە سىلتەمە جاساپ.

سەيسەنبى كۇنى قازاقستاننىڭ باسىم بولىگىندە انتيتسيكلون اسەرىنەن جاۋىن-شاشىنسىز اۋا رايى كۇتىلەدى، تەك باتىستا جانە سولتۇستىكتە اتموسفەرالىق اعىنداردىڭ وتۋىنە بايلانىستى تۇندە جانە كۇندىز كەي جەرلەردە جاۋىن جاۋۋى مۇمكىن.

ەلىمىزدىڭ كەي جەرلەرىندە تۇمان ءتۇسۋى ىقتيمال، جەل كۇشەيەدى، باتىستا تۇندە كوكتايعاق بولادى.

اقمولا، جامبىل، تۇركىستان وبلىستارىندا، كۇندىز اقتوبە وبلىسىنىڭ كەي جەرلەرىندە جەلدىڭ جىلدامدىعى 15-20 م/س دەيىن جەتەدى.

شىعىس قازاقستان، سولتۇستىك قازاقستان، اتىراۋ وبلىستارىنىڭ كەي جەرلەرىندە تۇندە جانە تاڭەرتەڭ تۇمان ءتۇسۋى مۇمكىن.

سولتۇستىك قازاقستان وبلىسىندا، كۇندىز اتىراۋ وبلىسىنىڭ كەي جەرلەرىندە جەل كۇشەيىپ 15-20 م/س دەيىن جەتەدى.

باتىس قازاقستان وبلىسىنىڭ كەي جەرلەرىندە جەلدىڭ 15-20 م/س دەيىن كۇشەيۋى كۇتىلەدى، تۇندە كوكتايعاق بولۋى مۇمكىن.

ماڭعىستاۋ وبلىسىنىڭ كەي جەرلەرىندە تۇمان تۇسەدى، كۇندىز جەل 15-20 م/س دەيىن كۇشەيەدى.

الماتى وبلىسىنىڭ جالاڭاشكول اۋدانىندا تاڭەرتەڭ جانە كۇندىز جەل 15-20 م/س دەيىن كۇشەيەدى.

الماتى، جامبىل وبلىستارىنىڭ كەي جەرلەرىندە تۇندە مينۋس 1 گرادۋس سۋىق بولادى.