+7 (701) 759 90 19
-21 °С : نۇر-سۇلتان
-3 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

مەملەكەت باسشىسى باس پروكۋرور عيزات نۇرداۋلەتوۆتى قابىلدادى

19 قازان 22:31
:ءبولىسۋ
مەملەكەت باسشىسى باس پروكۋرور عيزات نۇرداۋلەتوۆتى قابىلدادى

نۇر-سۇلتان. قازاقپارات - قاسىم-جومارت توقايەۆقا پروكۋراتۋرا ورگاندارى قىزمەتىنىڭ باسىم باعىتتارى بويىنشا اتقارىلعان جۇمىستارىنىڭ قورىتىندىلارى تۋرالى ەسەپ بەرىلدى، دەپ حابارلايدى اقوردانىڭ باسپا ءسوز قىزمەتى.

عيزات نۇرداۋلەتوۆ قازاقستان پرەزيدەنتىنىڭ قىلمىسپەن كۇرەستى كۇشەيتۋ، قۇقىق قورعاۋ جانە وزگە دە ورگانداردىڭ قۇقىقتىق ءتارتىپتى قامتاماسىز ەتۋ قىزمەتىن ۇيلەستىرۋ جونىندە جۇكتەگەن تاپسىرمالارىنىڭ ورىندالۋ بارىسى تۋرالى باياندادى.

ونىڭ ايتۋىنشا، وتكەن كەزەڭدە ەلىمىزدە قىلمىس كولەمى ءۇش ەسەگە جۋىق ازايعان. ۇرلىق، قاراقشىلىق شابۋىلدار، توناۋ جانە بۇزاقىلىق قىلمىستارى ەكى ەسە از تىركەلگەن.

قازاقستان پرەزيدەنتىنە زاڭدىلىقتى ساقتاۋدى قاداعالاۋ بارىسىندا پروكۋرورلار سوتقا دەيىنگى تەرگەۋ ءىسى بويىنشا 63 تۇلعاعا قاتىستى نەگىزسىز قىلمىستىق قۋدالاۋدىڭ توقتاتىلعانى، سونداي-اق، تەرگەۋ مەرزىمىن توقتاتۋ جانە كەيىنگە شەگەرۋ جونىندەگى 17 مىڭ زاڭسىز قاۋلىنىڭ كۇشىن جويعانى تۋرالى مالىمەت بەرىلدى.

مەملەكەت باسشىسىنا بيزنەستى قورعاۋ جانە باقىلاۋشى ورگاندار تاراپىنان كاسىپكەرلىك قىزمەتكە زاڭسىز كەدەرگى كەلتىرۋدىڭ جولىن كەسۋ جۇمىستارى تۋرالى باياندالدى. سونىمەن قاتار قاسىم-جومارت توقايەۆقا الەۋمەتتىك-ەكونوميكالىق سالاداعى زاڭدىلىقتى قامتاماسىز ەتۋ، سونداي-اق، مەملەكەتتىك ورگانداردىڭ جەكەلەگەن سالاداعى قىزمەتىن رەتتەيتىن زاڭنامانى ساقتاۋ جونىندەگى تەكسەرۋلەردىڭ ناتيجەلەرى بويىنشا پروكۋرورلاردىڭ قابىلداعان شارالارى تۋرالى مالىمەت بەرىلدى.

كەزدەسۋ قورىتىندىسى بويىنشا پرەزيدەنت باس پروكۋرورعا ءبىرقاتار ناقتى تاپسىرما بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات