ەلوردالىق جۇرگىزۋشى كولىك ءنومىرىن اۋىستىرىپ جىبەرەتىن قۇرىلعى تاعىپ العان
جەدەل باقىلاۋ ورتالىعىنىڭ ينسپەكتورلارى ۆيدەوكامەرامەن قالا اۋماعىن شولعىنداۋ بارىسىندا ءنومىر بەلگىسى بۇركەلەنگەن «مەرسەدەس» كولىگىن بايقاپ قالعان.
اۆتوموبيل «الماتى» بيزنەس ورتالىعى ماڭىندا نازارعا تۇسكەن. سول جەرگە جىبەرىلگەن اۆتوپاترۋل انىقتاعانداي، 27 جاستاعى جۇرگىزۋشى كولىك نومىرىنە ارنايى رامكا تاعىپ العان. بۇل قۇرىلعى كولىك ءجۇرىپ كەلە جاتقاندا ءنومىردى قولما-قول باسقاسىنا اۋىستىرىپ جىبەرەدى.
«ءمان-جايدى انىقتاۋ بارىسىندا جۇرگىزۋشى جاۋاپكەرشىلىكتەن بارىنشا جالتارۋعا تىرىستى. ازامات پوليتسيا قىزمەتكەرلەرىنىڭ بىرنەشە مارتە اۆتوموبيلگە قاتىستى جانە ءوزىنىڭ جەكە قۇجاتتارىن كورسەتۋ تالابىنان باس تارتتى. مەملەكەتتىك تىركەۋ ءنومىرى بەلگىلەرىن سايكەستەندىرۋگە كەدەرگى كەلتىرەتىن ارناۋلى قۇرىلعىلارمەن كولىكتى باسقارعانى ءۇشىن جۇرگىزۋشى ق ر اكىمشىلىك قۇقىق بۇزۋشىلىق كودەسىنىڭ 590-بابىمەن جاۋاپكەرشىلىككە تارتىلدى. بۇعان قوسا، جاس جىگىت ءبىر جىلدىڭ ىشىندە جۇرگىزۋشى كۋالىگىنسىز كولىكتى جۇرگىزگەنى ءۇشىن ق ر ا ق ب ت ك- ءتىڭ 612-بابىمەن اكىمشىلىك جاۋاپكەرشىلىككە تارتىلىپ وتىر. قۇقىق بۇزۋشىنىڭ كولىگى كوممۋنالدىق اۆتوموبيل تۇراعىنا قويىلدى»، - دەپ اتاپ وتەدى دەپارتامەنتتەن.