رەسپۋبليكالىق «حالىق سۇيىكتىسى» سىيلىعىنا ۇمىتكەرلەردى ۇسىنۋ باستالدى
«دوستار، «حالىقتىڭ سۇيىكتىسى» ۇلتتىق سىيلىعىنىڭ 10-مەرەكەلىك كەزەڭى باستالادى. بيىل ونى ەكونوميكالىق داعدارىس پەن Covid-19 پاندەمياسى كەزىندە وتكىزگەلى وتىرمىز. ءبىز بۇگىنگە دەيىن وسى سىيلىقتىڭ يەگەرى اتانعان سالتانات راحىمبەكوۆا، جەكەن قالي ۇلى، سانسىزباي قۇتتىباي ۇلى، قىدىر اتا (جانارسى ەڭسەپوۆ) سەكىلدى ەلىمىزدىڭ پاتريوتتارىنان ايىرىلىپ قالدىق. جاتقان جەرلەرى جارىق بولسىن»، - دەپ جازدى عالىم بايتوق Facebook-پاراقشاسىندا.
قوعامدىق قور باسشىسىنىڭ حابارلاۋىنشا، سىيلىققا بيىل وزگەرىس ەنگىزىلەدى.
«بيىل مەديتسينا قىزمەتكەرلەرى ءبىزدىڭ ءومىرىمىزدى ساقتاپ قالۋ بويىنشا تاڭعاجايىپ دۇنيەلەر جاساعاندىقتان، دەنساۋلىق ساقتاۋ سالاسىندا بەس قۇرمەتتى نوميناتسيانى بەلگىلەدىك.
ولار:
ۇزدىك مەديتسينالىق ستاتسيونار، ۇزدىك دارىگەرلەر ۇجىم، ۇزدىك مەدبيكەلەر ۇجىمى، ۇزدىك ۆولونتەر مەن ۇزدىك مەتسەنات. ۇزدىك نوميناتسيالاردى بۇرىنعىداي، ۇيىمداستىرۋشىلار مەن قازىلار انىقتايدى»، - دەيدى ول.
«حالىق سۇيىكتىسى» سىيلىعىنىڭ بيىلعى نوميناتسيالارى:
1. جىلدىڭ ۇزدىك مۇعالىمى؛
2. جىلدىڭ ۇزدىك دارىگەرى؛
3. جىلدىڭ ۇزدىك سپورتشىسى؛
4. جىلدىڭ ۇزدىك قوعام قايراتكەرى؛
5. جىلدىڭ ۇزدىك تەلەجۇرگىزۋشىسى؛
6. جىلدىڭ ۇزدىك مادەنيەت قايراتكەرى؛
7. جىلدىڭ ۇزدىك پارلامەنتاريى؛
8. جىلدىڭ ۇزدىك پۋبليتسيسى؛
9. جىلدىڭ ۇزدىك بلوگ سالاسىنىڭ كوشباسشىسى؛
10. جىلدىڭ ۇزدىك ينتەرنەت باسىلىمى.
نەگىزگى نوميناتسيالار بويىنشا ۇمىتكەرلەردى ۇسىنۋ «جىلدىڭ حالىق سۇيىكتىسى» («نارودنىي ليۋبيمەتس گودا») رەسمي توبىندا 18- قازان - 28- قازان ارالىعىندا جۇرگىزىلەدى.
«ۇسىنار كەزدە ۇمىتكەردىڭ 2020-جىلعى ەڭبەگىن ەلەسەڭىزدەر دەيمىز. سونداي-اق ونىڭ قىسقاشا ءومىربايانىن قالدىرعان دۇرىس. داۋىس بەرۋ كەزەڭىنىڭ مەرزىمدەرى جايلى قوسىمشا حابارلايمىز»، - دەيدى عالىم بايتوق.
ەسكە سالا كەتسەك، «حالىقتىڭ سۇيىكتىسى-2019» جۇلدەسىنە يە بولعان جەڭىمپازدار بىلتىر قاراشادا ماراپاتتالعان بولاتىن.
ودان ءبىر جىل بۇرىن «جىلدىڭ ۇزدىك اقپاراتتىق ينتەرنەت-باسىلىمى» نوميناتسياسىن «قازاقپارات» حالىقارالىق اقپارات اگەنتتىگى جەڭىپ العان ەدى.