قازاقستاندا «جىل ۆولونتەرى» بايقاۋى جاريالاندى

نۇر- سۇلتان. قازاقپارات - ق ر اقپارات جانە قوعامدىق دامۋ مينيسترلىگى «جىل ۆولونتەرى» حالىقارالىق سىيلىعىن تاعايىنداۋ قاعيدالارىن بەكىتتى، دەپ حابارلايدى قازاقپارات ءتىلشىسى.

سىيلىق الەۋمەتتىك، قوعامدىق مىندەتتەردى شەشۋگە ەلەۋلى ۇلەس قوسقان ۆولونتەرلەرگە، ۆولونتەرلەر توبىنا، ۆولونتەرلىك ۇيىمدارعا، حالىقارالىق ۆولونتەرلىك ۇيىمدارعا 16 نوميناتسيا بويىنشا بەرىلەدى:

1. ۇزدىك ۆولونتەرلىك ۇيىم؛

2. كورپوراتيۆتىك ۆولونتەرلىك كوشباسشىسى؛

3. كورونوۆيرۋستىق ينفەكتسيامەن كۇرەسكە قاتىسۋ؛

4. تۇراقتى دامۋ ماقساتىنىڭ كوشباسشىلارى؛

5. ۇزدىك الەۋمەتتىك كومەكشى؛

6. توتەنشە جاعدايلاردى جويۋعا بەلسەندى قاتىسقانى ءۇشىن؛

7. حابار- وشارسىز كەتكەن ادامداردى ىزدەۋگە بەلسەندى قاتىسقانى ءۇشىن؛

8. قۇقىق بۇزۋشىلىق قۇرباندارىنا كومەك كورسەتۋگە بەلسەندى قاتىسقانى ءۇشىن؛

9. دەنساۋلىق ساقتاۋدى دامىتۋعا بەلسەندى قاتىسقانى ءۇشىن؛

10. سالاۋاتتى ءومىر سالتىن ناسيحاتتاۋعا بەلسەندى قاتىسقانى ءۇشىن؛

11. ءبىلىمدى ايگىلەۋدەگى ۇلەسى ءۇشىن؛

12. قورشاعان ورتانى ساقتاۋ جانە قورعاۋ ءۇشىن قوسقان ۇلەسى ءۇشىن؛

13. بەيبىتشىلىكتى، دوستىق پەن كەلىسىمدى نىعايتۋعا قوسقان ۇلەسى ءۇشىن؛

14. تاريحي- مادەني مۇرالاردى ساقتاۋعا جانە دامىتۋعا قوسقان ۇلەسى ءۇشىن؛

15. جانۋارلاردى قورعاۋ ماسەلەلەرىن شەشۋگە قوسقان ۇلەسى ءۇشىن؛

16. الەۋمەتتىك مىندەتتەردى شەشۋگە قوسقان ۇلەسى ءۇشىن. سايىسقا قاتىسۋ ءۇشىن ۇمىتكەرلەر قاجەتتى قۇجاتتاردى qazvolunteer.kz ءبىرىڭعاي ونلاين- پلاتفورماسىنا ەلەكتروندى تۇردە جۇكتەيدى.

سىيلىققا ۇسىنىلعان ۇمىتكەرلەر ءتىزىمى ەكى كەزەڭدە قارالادى. ءبىرىنشى كەزەڭدە qazvolunteer.kz ءبىرىڭعاي ونلاين- پلاتفورماسىندا اشىق ونلاين داۋىس بەرۋ 10 كۇنتىزبەلىك كۇن ىشىندە وتەدى. ەكىنشى كەزەڭگە ءار نوميناتسيادان ەڭ كوپ داۋىس جيناعان 10 ۇمىتكەر وتەدى. ەگەر داۋىستار تەڭ بولسا، ەكى ۇمىتكەر دە وتەدى. ءار نوميناتسيادان ەڭ كوپ بالل جيناعان ءۇش ۇمىتكەر جەڭىمپاز بولىپ تانىلادى. جەڭىمپازدارعا ديپلوم جانە ەستەلىك مۇسىنشە بەرىلەدى. سايىس تۋرالى تولىق اقپارات ق ر اقپارات جانە قوعامدىق دامۋ مينيسترلىگىنىڭ رەسمي سايتىندا كورسەتىلگەن.