18:03, 19 - قازان 2020 | GMT +6
سادىر جاپاروۆ قىرعىز پرەزيدەنتى سايلاۋىنا ءتۇسۋىنىڭ ەرەجەسىن ايتتى
بىشكەك. كابار - قازاقپارات - قىرعىز رەسپۋبليكاسى پرەزيدەنتىنىڭ مىندەتىن اتقارۋشى سادىر جاپاروۆ «روسسيا 24» - كە بەرگەن سۇحباتىندا پرەزيدەنتتىك سايلاۋعا قانداي جاعدايدا قاتىسا الاتىنىن ايتتى. قازاقپارات بۇل تۋرالى كابار اگەنتتىگىنە سىلتەمە جاساپ حابارلايدى.
ەلدىڭ قازىرگى زاڭىنا سايكەس، مەملەكەت باسشىسىنىڭ مىندەتىن اتقارۋشى تۇلعا سايلاۋعا قاتىسا المايدى.
«قازىرگى ۋاقىتتا پارلامەنتتە پارلامەنت جانە پرەزيدەنت سايلاۋىنا قاتىستى زاڭناماعا وزگەرىستەر دايىندالىپ جاتىر. ەگەر وسى وزگەرىس ناتيجەسىندە ماعان سايلاۋعا قاتىسۋعا رۇقسات ەتىلسە، مەن قاتىسامىن. ءبىراق ازىرگە ول تۋرالى ايتۋعا ەرتە. بۇل سۇراققا قاتىستى شەشىم قابىلدانعان جوق»، - دەدى جاپاروۆ.