قازاقستان بەنزين ەكسپورتتاۋشى ەلگە اينالدى
2020 -جىلدىڭ قاڭتار- تامىزىندا قازاقستاننىڭ مۇناي وڭدەۋ زاۋىتتارى اۆياوتىندى قوسا العاندا 2,9 ميلليون توننا بەنزين شىعاردى. بۇل وتكەن جىلعى كورسەتكىشتەن 3,3 پايىزعا كوپ. 2019 -جىلدىڭ ىشىندە ەلىمىزدە 4,5 ميلليون توننا موتور وتىنى وندىرىلگەن بولاتىن. كورسەتكىش 2018 -جىلمەن سالىستىرعاندا 14,7 پايىزعا جوعارى. وڭىرلىك شەكتە وندىرىلگەن ءونىمىڭ ەڭ ۇلكەن كولەمى «پەتروقازاقستان ويل پروداكتس» ج ش س جۇمىس ىستەيتىن شىمكەنت قالاسىنا تيەسىلى.
وڭىردە وندىرىلگەن ءونىم جالپى رەسپۋبليكادا شىعارىلعان جانار- جاعارمايدىڭ 44,9 پايىزىن قۇرايدى. شىمكەنت زاۋىتىندا 1,3 ميلليون توننا بەنزين ءوندىرىلىپ وتىر. بۇل ءبىر جىل بۇرىنعى كورسەتكىشتەن 8,7 پايىزعا كوپ. ال ەكىنشى ورىندا تۇرعان پاۆلودار وبلىسىندا 858,7 مىڭ توننا بەنزين وندىرىلگەنىمەن، ءوندىرىس كولەمى جىل ىشىندە 1,9 پايىزعا كەمىگەن. اتىراۋ وبلىسىنداعى مۇناي وڭدەۋ زاۋىتى دا جىل ىشىندە ءوندىرىس كولەمىن 1,1 پايىزعا تومەندەتىپ الدى. وڭىردە 688,7 مىڭ توننا جانار- جاعارماي شىعارىلدى. 7-ايدىڭ قورىتىندىسىندا وتاندىق كومپانيالار بەنزين سۇرانىسىن (ىشكى نارىق پەن ەكسپورتتى قوسا العاندا) تولىقتاي قامتاماسىز ەتتى.
يمپورت ۇلەسى كوپ ەمەس، نەبارى 0,03 پايىز عانا. ءبىر جىل ىشىندە وتىن يمپورتى 25 ەسە تومەندەدى. ال ەكسپورت ۇلەسى 11,1 پايىزدى قۇرادى. كومپانيالار وتكەن جىلمەن سالىستىرعاندا ونىڭ كولەمىن 44 ەسەگە ارتتىرىپ، 276,7 مىڭ تونناعا جەتكىزدى. ال 2020 -جىلدىڭ قاڭتار- تامىزىندا كومپانيالار 362,1 مىڭ توننا اۆتوموبيل بەنزينىن ەكسپورتقا شىعارىپ، ءوسىم كولەمىن 57,6 ەسەگە جەتكىزدى. اقشاعا شاققاندا ەكسپورت 125,6 ميلليون دوللار بولدى. بۇل وتكەن جىلعى تۇسىمنەن 48,5 ەسە كوپ. ت م د ەلدەرىنە 36,7 ميلليون دوللار سوماعا 103,3 مىڭ توننا بەنزين جونەلتىلدى.
قازاقستان بەنزينىنىڭ نەگىزگى يمپورتتاۋشى ەلدەرى - قىرعىزستان، تاجىكستان جانە وزبەكستان. الەمنىڭ قالعان ەلدەرىنە 88,9 ميلليون دوللارعا 258,8 مىڭ توننا اۆتوموبيل بەنزينى جىبەرىلدى. نەگىزگى يمپورتتاۋشىلار: اۋعانستان، نيدەرلاندى جانە گرۋزيا. 2020 -جىلدىڭ قىركۇيەگىندە ەلىمىزدىڭ ىشكى نارىعىندا بەنزين باعاسى شامالى جىلدىق ءوسىم كورسەتتى. ا ي-92 بەنزينى ءبىر جىل ىشىندە 2,8 پايىزعا قىمباتتاپ، ءليترى 150,8 تەڭگەنى، ا ي-95/95 1,2 پايىز وسىممەن 171,4 تەڭگەنى، ا ي-98 1,5 پايىز وسىممەن 190,2 تەڭگەنى قۇرادى.