سوتتالعاندار سانى بويىنشا قازاقستاننىڭ الەمدىك رەيتينگتەگى ورىنى ايتىلدى
بۇل تۋرالى ق ر ىشكى ىستەر مينيسترلىگى قىلمىستىق اتقارۋ جۇيەسى كوميتەتىنىڭ ءتوراعاسى، پوليتسيا پولكوۆنيگى جانات ەشماعامبەتوۆ ايتتى، دەپ حابارلايدى قازاقپارات ءتىلشىسى. «سوتتالعاندار سانى بويىنشا الەمدىك رەيتينگتە» قازاقستان 100-ورىندا تۇر. وسىدان 18 جىل بۇرىن ەلىمىزدىڭ ا ق ش جانە رەسەيدەن كەيىن ۇشتىككە كىرگەن ەدى»، - دەدى جانات ەشماعامبەتوۆ.
سونىمەن قاتار ول جازاسىن وتەۋشىلەردى تۇزەۋدەگى بىردەن-ءبىر قۇرال - جۇمىسپەن قامتۋ ەكەنىن اتاپ ءوتتى. قازىر ەڭبەككە قابىلەتتى 14 مىڭ ادام تۇرمەدە. ونىڭ 11 مىڭى كولونيالاردا ەڭبەك ەتىپ جاتىر.
«مەكەمەلەردەگى ادامداردى جۇمىسپەن قامتۋدا «ەڭبەك» رەسپۋبليكالىق مەملەكەتتىك كاسىپورىنىمەن قاتار، 230 شاعىن جانە ورتا بيزنەس وكىلدەرى دە قىزمەت ەتەدى. ولاردىڭ ءوزى 4 مىڭ ادامدى جۇمىسپەن قامتاماسىز ەتىپ وتىر. سوتتالعاندار كاسىپورىنداردا قۇرىلىس ماتەريالدارىن، اعاش، تەمىر جانە پلاستيك ونىمدەرىن، سونداي-اق ەت، ءسۇت، نان جانە ءتۇرلى كونديتەرلىك ونىمدەردى جاساۋمەن اينالىسادى. بوستاندىققا شىققاندا ولارعا قوعامعا بەيىمدەلىپ، جاڭا ءومىر ءسۇرۋ وڭايىراق بولادى»، - دەيدى ۆەدومستۆو ءتوراعاسى.