قازاقستان ازاماتتارى وتاندىق عالىمدار ازىرلەگەن كوروناۆيرۋسقا قارسى ۆاكسينانى سالدىرۋدا

نۇر- سۇلتان. قازاقپارات - قازاقستان ازاماتتارى ءوز ەرىكتەرىمەن وتاندىق عالىمدار ازىرلەگەن كوروناۆيرۋسقا قارسى ۆاكسينانى تاجىريبە رەتىندە سالدىرىلىپ جاتىر.

سولاردىڭ ءبىرى - ساياساتتانۋشى ماقسات جاقاۋ ۆاكسيناتسيادان وتكەندىگىن Facebook پاراقشاسىندا جاريا ەتتى، دەپ حابارلايدى قازاقپارات ءتىلشىسى.

«بۇگىن ادامزاتتىڭ قاس جاۋىنا اينالعان COVID-19-عا قارسى وتاندىق ۆاكسينانى ارنايى مەديتسينالىق تەكسەرۋلەردەن ىرىكتەلىپ، ءوز ەركىممەن سالدىردىم. قاتىسۋشىلار كوپ. ءبىراق دەنساۋلىقتارىنا بايلانىستى كوبى وتپەدى. 18-بەن 50 جاس ارالىعىنداعى كانديداتتار تىزىمىمەن ۆاكسيناتسيانىڭ ەكىنشى كەزەڭىندە تاجىريبەلىك توپقا ەندىم. ۆاكسينانى جاساۋمەن مەديتسينا عىلىمىندا ەسىمدەرى الەمگە تانىلعان پروفەسسورلار اينالىستى. بۇل عىلىمىمىزدىڭ جوعارعى كورسەتكىشىن تانىتادى. بۇيىرسا ۆاكسينانىڭ وڭ ناتيجەلەرىنە قاراي ەلىمىزدىڭ عانا ەمەس، الەمدىك دەڭگەيدە ادامزاتتىڭ يگىلىگىنە قولداناتىن ەم- دومنىڭ شىعۋىنا سەنۋىمىز كەرەك. باستىسى ۆيرۋس بولسا ونىڭ انتيۆيرۋسى دا بولۋى كەرەك. وتاندىق عىلىم سول جولدا ىزدەنىس ۇستىندە»، - دەيدى ماقسات جاقاۋ.

ايتا كەتەيىك، ق ر ءبىلىم جانە عىلىم ءمينيسترى اسحات ايماعامبەتوۆ تە كوروناۆيرۋس ىندەتىنە قارسى ازىرلەنگەن وتاندىق ۆاكسينانى سالدىرعاندىعىن ايتقان بولاتىن. بۇعان دەيىن ق ر ب ع م عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىندا ازىرلەنگەن كوروناۆيرۋس ينفەكسياسىنا قارسى QazCovid-in ۆاكسيناسىن كلينيكالىق زەرتتەۋ باستالعان حابارلاعان ەدىك.

اۆتور: مارلان جيەمباي