قازاقستاننىڭ سىرتقى ىستەر مينيسترلىگى ازەربايجان حالقىن تاۋەلسىزدىك كۇنىمەن قۇتتىقتادى

نۇر- سۇلتان. قازاقپارات - قازاقستاننىڭ سىرتقى ىستەر مينيسترلىگى ازەربايجان رەسپۋبليكاسىن تاۋەلسىزدىك كۇنىمەن قۇتتىقتادى، دەپ حابارلايدى قازاقپارات.

«قۇرمەتتى ارىپتەستەر، باۋىرلاس ازەربايجان حالقىن تاۋەلسىزدىك كۇنىمەن قۇتتىقتايمىز! گۇلدەنۋ مەن وركەندەۋ تىلەيمىز!» دەلىنگەن ەلىمىزدىڭ سىرتقى ساياسي ۆدەومستۆوسىنىڭ Twitter پاراقشاسىنداعى حابارلامادا.

ايتا كەتەيىك، 18- قازان - ازەربايجان ەلىنىڭ مەملەكەتتىك مەيرامى - تاۋەلسىزدىك كۇنى. 1991 -جىلى 18 - قازاندا «ازەربايجان رەسپۋبليكاسىنىڭ مەملەكەتتىك تاۋەلسىزدىگى جونىندەگى» كونستيتۋتسيالىق شارت قابىلدانعان. ازەربايجان - كاۆكازدىڭ وڭتۇستىك- شىعىسىندا ورنالاسقان مەملەكەت. سولتۇستىگىندە - رەسەيمەن، سولتۇستىك- باتىسىندا - گرۋزيامەن، وڭتۇستىك- باتىسىندا - ارمەنيا جانە تۇركيامەن، وڭتۇستىگىندە - يرانمەن، شىعىسىندا كاسپيي تەڭىزى ارقىلى قازاقستانمەن شەكتەسەدى. استاناسى - باكۋ. مەملەكەتتىك ءتىلى - ازەربايجان ءتىلى. قازاقستان رەسپۋبليكاسى مەن ازەربايجان رەسپۋبليكاسى اراسىنداعى ديپلوماتيالىق قارىم- قاتىناس 1992 -جىلعى 27 - تامىزدان باستاپ ورناعان.