كوروناۆيرۋستىڭ اۋىر تۇرىندە وكپە عانا ەمەس جۇرەك، بۇيرەك، جۇيكە جۇيەلەرى زاقىمدانادى - دارىگەر
- COVID-19 قاننىڭ ۇيۋىن ارتتىرادى دەگەن اقپارات بار، بۇل قانشالىقتى راس؟
- كوروناۆيرۋس ول - اۋا تامشىلى جانە جاناسۋ- تۇرمىستىق تاراتۋ مەحانيزمى بار SARS CoV-2 كوروناۆيرۋسىنىڭ جاڭا شتامىنان تۋىنداعان جەدەل ينفەكسيالىق ۆيرۋستى اۋرۋ. بۇل اۋرۋ اعزاعا ەنگەننەن كەيىن، جەرگىلىكتى جانە جۇيەلىك يممۋندىق- قابىنۋدى تۋىنداتادى. ءيا، قان ۇيىعىشتىقتى ارتتىرادى، قان تامىرلار قابىرعاسىن وزگەرتىپ شاقىرىپ، اۋا جەتكىلىكسىزدىگى بايقالادى. بۇل كىشى جانە ۇلكەن ترومبوزدىڭ دامۋىنا اكەلەدى. سونىمەن قاتار، وكپەنىڭ، جۇرەكتىڭ، بۇيرەكتىڭ، اسقازان- ىشەك جولدارىنىڭ، ورتالىق جانە شەتكى جۇيكە جۇيەلەرىنىڭ اسقىنۋ قاۋپىمەن بەلگىسى جوق كلينيكالىق تۇردەن وتە اۋىر تۇرگە دەيىن اسقىنۋ شاقىراتىن اسا قاۋىپتى ۆيرۋستى ينفەكسيا.
- كوروناۆيرۋس جۇقتىرعان ناۋقاستاردى ەمدەپ جاتقان دارىگەرلەردىڭ بىلىكتىلىگىن قالاي باعالايسىز؟
- العاش انىقتالعان كۇننەن قازىرگە دەيىن بۇل دەرتتەن مىڭداعان ادام قايتىس بولدى. وسى كەزەڭدە دارىگەرلەر بىلىكتىلىگىن ارتتىرىپ تاجىريبە جيناپ الدىن الۋ مەن ەمدەۋ شارالارىن، اۋىرعاننان كەيىگى قايتا قالپىنا كەلتىرۋ ادىستەرىن ۇيرەندى.
- ءوزىڭىز ەڭبەك جۇمىس ىستەپ جاتقان №36 قالالىق ەمحانانىڭ ىقتيمال ەكىنشى تولقىنعا دايىندىعى قالاي؟
- قازىرگى تاڭدا COVID-19 قازاقستاننىڭ دەنساۋلىق ساقتاۋ جۇيەسىنىڭ ەمدەۋ دياگنوستيكالىق حاتتاماسىمەن جۇزەگە اسادى. سوڭعى وزگەرىسكە سايكەس 15 - شىلدەدەگى 10-شى رەداكسياسى بويىنشا ەم جۇرگىزىلەدى. وسىعان وراي №36 قالالىق ەمحانا دەڭگەيىندە كەزەكتى ەكىنشى كوروناۆيرۋس ىندەتىنىڭ تولقىنىنا دايىندىق جۇرگىزىلدى. بىلىكتىلىك ارتتىرىلىپ الدىن الۋ مەن ايقىنداۋ شارالارى رەتىندە موبيلدى توپتار قۇرىلدى، رەابيليتولوگ ماماندار ارنايى وڭالتۋ كەزەڭدەرىمەن تانىستى.
قازاقستان ءوزىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە ونىڭ ەڭ قىمبات قازىناسى - ادام جانە ادامنىڭ ءومىرى بولىپ سانالعاندىقتان ءبىز حالقىمىزدى دەنى ساۋ ەتۋىمىز كەرەك.
- كوروناۆيرۋسپەن اۋىرعان ادامداردىڭ ءبارى وڭالتۋدان وتۋگە مىندەتتى مە؟
- جالپى كەز كەلگەن اۋرۋدان كەيىنگى وڭالتۋ شارالارى وڭالتۋ كورسەتكىشىمەن باعالانادى. رەسپيراتورلىق اۋرۋى بار ناۋقاستار، ونىڭ ىشىندە COVID-19 پنيەۆمونياسىمەن اۋىرعان، سونداي- اق وكپە ينكۋباتسياسىنان كەيىن، وكپە فۋنكسياسى تومەندەگەن جانە ۇزاق ۋاقىت اۋرۋحانادا ەم العان ەرەسەك ادامدار مەديتسينالىق وڭالتۋدىڭ 3-كەزەڭىنە جىبەرىلەدى. مۇنداي ناۋقاستار وڭالتۋدى قاجەت ەتەدى جانە 3 كەزەڭنىڭ كريتەرييلەرىنە سايكەس كەلەدى. ولار قاشىقتان قالپىنا كەلتىرۋدى قاۋىپسىز تۇردە الادى.
وڭالتۋداعى نەگىزگى ماقساتىمىز - وكپەنىڭ جەلدەتىلۋىن، گاز الماسۋىن جانە برونحتىڭ كليرەنسىن جاقسارتۋ، ۇزاق اۋىرعانداردا مازاسىزدىق پەن كۇيزەلىس بەلگىسىن جەڭىلدەتۋ، اۋرۋدان كەيىنگى اسقىنۋ قاۋپىن ازايتۋ، جالپى فيزيكالىق توزىمدىلىكتى ارتتىرۋ، بۇلشىقەتتەردەگى السىزدىكتى تۇزەتۋ، ءومىر ءسۇرۋ ساپاسىن جاقسارتۋ، قوعامعا قايتا ارالاسۋ، مۇگەدەكتىكتى تومەندەتۋ جانە ونىڭ الدىن الۋ.
- وڭالتۋ شارالارىندا نەگە باسا نازار اۋدارىلادى؟
- ەڭ الدىمەن ناۋقاستىڭ جەكە ەرەكشەلىكتەرى مەن قاتار جۇرەتىن اۋرۋلارى ەسكەرىلەدى. جەكەلىك پرينتسيپىن ساقتايمىز. اتاپ ايتار بولسام، ەگدە جاستاعى ادامدار، سەمىزدىككە شالدىققاندار، جۇكتى ايەلدەر، سوزىلمالى اۋرۋلارى بار ناۋقاستار. ءبىزدىڭ نەگىزگى مىندەتىمىز ناۋقاسقا بارىنشا زيان تيگىزبەي دەنساۋلىعىن بۇرىنعى قالپىنا كەلتىرۋ. وڭالتۋعا قارسى كورسەتكىشتەرى بار اۋرۋلار مىنالار:
- ءار ءتۇرلى شىعۋ تەگى ءجيى نەمەسە اۋىر قان كەتۋ؛
- ءجيى ۇستامالى ەپيلەپسيا، ءار ءتۇرلى ەتيولوگيالى ءجيى ۇستامالار؛
- جەدەل جۇقپالى اۋرۋلار؛ - تۋبەركۋلەزدىڭ بارلىق ءتۇرىنىڭ بەلسەندى كەزەڭى؛ - قاتەرلى ىسىكتەر (III- IV كەزەڭدەر)؛
- III دارەجەلى نەمەسە ودان جوعارى تىنىس جەتىسپەۋشىلىگى؛
- فەبريلدى نەمەسە تومەن دارەجەلى، شىعۋ تەگى بەلگىسىز قىزبا؛ - كۇردەلى ىلەسپە اۋرۋلاردىڭ بولۋى؛
- دەكومپەنساتسيا ساتىسىنداعى اۋرۋلار، اتاپ ايتقاندا، مەتابوليزمنىڭ تۇزەتىلمەيتىن اۋرۋلارى (قانت ديابەتى، ميكسەدەما، تيرەوتوكسيكوز جانە باسقالارى)، Ⅲ دارەجەلى باۋىر مەن ۇيقى بەزىنىڭ جەتكىلىكسىزدىگى؛
- تەرىنىڭ ءىرىڭدى اۋرۋلارى، تەرىنىڭ جۇقپالى اۋرۋلارى (قىشىما، ساڭىراۋقۇلاق اۋرۋلارى جانە باسقالارى)؛
- تۇلعانىڭ دەوتسياليزاتسياسى بار، ەموتسيالار مەن مىنەز- قۇلقىنىڭ بۇزىلۋىمەن پسيحولوگيالىق اۋرۋلار؛
- نيۋ- يورك كارديولوگتار قاۋىمداستىعىنىڭ كلاسسيفيكاتسياسى بويىنشا IV فۋنكتسيونالدى كلاسى بويىنشا جۇرەك ىرعاعىنىڭ كۇردەلى بۇزىلىستارى، جۇرەك جەتكىلىكسىزدىگى ؛
- ءار ءتۇرلى ءىرىڭدى ينتوكسيكاتسياسى باسىم (وكپە) اۋرۋلار؛
- جەدەل وستەوميەليت؛ - وتكىر تەرەڭ تامىر ترومبوزى؛ - تاۋلىگىنە 2-3 ساعات ىشىندە مەديتسينالىق وڭالتۋ باعدارلاماسىنا بەلسەندى قاتىسۋعا مۇمكىندىك بەرمەيتىن باسقا ىلەسپە اۋرۋلار بولعان كەزدە.
- سوندا وڭالتۋ شارالارىنىڭ ارنايى كريتەرييلەرى بار ما؟
- البەتتە. باعالاۋ جانە باقىلاۋ وڭالتۋدىڭ باسىنان اياعىنا دەيىن جۇرگىزىلەدى. رەابيليتاتسيا شارالارى كوپسالالى مامانداردىڭ توبىمەن تالقىلانىپ جاس ەرەكشەلىگىمەن قاتار جۇرەتىن جاعدايلاردى ەسكەرە وتىرىپ وڭالتۋ جوسپارى قۇرىلادى ول كەزدە كلينيكالىق باعالاۋ (سيمپتومدار، زەرتحانالىق زەرتتەۋلەر، ساۋلەلەنۋ ادىستەرى) بىرگە قولدانىلادى. 3- دەڭگەيلى وڭالتۋ شارالارى ەمحانادا مىناداي رەتپەن ورىندالادى: جەڭىل دارەجەدە پنيەۆمونيا كلينيكالىق كورسەتكىشتەرى بويىنشا، ورتاشا پنيەۆمونيا 10-14 كۇن. جاساندى وكپە جەلدەتكىشتى قولدانباعان اۋىر پنيەۆمونيا 10-14 كۇن. جاساندى وكپە جەلدەتكىشتى قولدانعان اۋىر پنيەۆمونيا 14-21 كۇن. وسى كۇندەر ارالىعىندا ناۋقاستار كۇندەلىكتى 3 ساعات ىشىندە ۆيبرواكۋستيكالىق تەراپيا، PEP رەگلامەنتىمەن تىنىس الۋ جاتتىعۋلارىن، قالىپتى تۇزەتۋ، پالاتادا ءجۇرۋ، جوعارعى يىق بەلدەۋىنىڭ بۇلشىقەتتەرىنە جاتتىعۋلاردى، تومەنگى اياعىنداعى بۇلشىقەتتەرگە ارنالعان جاتتىعۋلاردى، 4-8 ل / مين اعىنىمەن وتتەگى تەراپياسى، پسيحولوگيالىق قولداۋ ەم- شارالارىن الادى.
- سۇحباتىڭىزعا راحمەت!
اۆتور: الما مۇقانوۆا