كوكشەتاۋدا جەدەل جاردەم كولىگى جول اپاتىنا ۇشىرادى

كوكشەتاۋ. قازاقپارات - كوكشەتاۋدا جەدەل جاردەم كولىگى جول اپاتىنا ۇشىرادى. زارداپ شەككەندەر جوق، تەك كولىككە مەحنيكالىق زالال كەلدى، دەپ حابارلايدى قازاقپارات ءتىلشىسى.

پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جول اپاتى ءۋاليحانوۆ كوشەسى مەن نازاربايەۆ داڭعىلىنىڭ قيىلىسىندا بولعان. جەدەل جاردەم كولىگى مەن «Volkswagen Passat» كولىگى سوقتىعىستى.

«سوڭعى مالىمەت بويىنشا، جەدەل جاردەم كولىگىنىڭ جۇرگىزۋشىسى وزگە كولىكتەر ونى جىبەرىپ تۇرعانىنا كوز جەتكىزىپ الماي، جول بۇرىلىسىنا شىققان. ەندى جۇرگىزۋشىنىڭ كىنالى نە كىناسىزدىگىن سوت انىقتايدى» دەيدى ۆەدومستۆودان.

الايدا، جەدەل جاردەم كولىگى جۇرگىزۋشىسىنىڭ سوزىنە سەنسەك، ول قىزىل تۇسكە كەلگەن كەزدە كولىكتەر توقتاپ، وعان جول بەرگەن. سول كەزدە وزگە كولىكتەردىڭ ارتىنان وزىپ شىققان «Volkswagen Passat» كەلىپ وعان سوعىلعان.

ايتا كەتەيىك، جەدەل جاردەم كولىگى تىرىسپاسى ۇستاعان ناۋقاسقا شاقىرۋ بويىنشا بارا جاتقان. اقمولا وبلىستىق جەدەل جاردەم ورتالىعىنىڭ باس دارىگەرى الەكساندر ۆىسوتسكيدىڭ ايتۋىنشا، مۇنداي ساناتتاعى ناۋقاستارعا جەدەل جەتۋ كەرەك.

اتالمىش كولىك جول اپاتىنا ۇشىرعاندىقتان ناۋقاسقا وزگە بريگادا جىبەرىلدى.

اۆتور: اسلان وسپانوۆ