+7 (701) 759 90 19
16 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

باكۋ مەن ەرەۆان اتىستى ۋاقىتشا توقتاتۋ جونىندە كەلىسىمگە كەلدى

18 قازان 10:02
:ءبولىسۋ
باكۋ مەن ەرەۆان اتىستى ۋاقىتشا توقتاتۋ جونىندە كەلىسىمگە كەلدى

باكۋ. قازاقپارات - ازەربايجان رەسپۋبليكاسىنىڭ سىرتقى ساياسي ۆەدومستۆوسىنىڭ مالىمەتىنشە، ازەربايجان مەن ارمەنيا 18-قازان جەرگىلىكتى ۋاقىتپەن ساعات 00:00 باستاپ اتىستى گۋمانيتارلىق ماقساتتا توقتاتۋ جونىندە كەلىسىمگە كەلدى، دەپ حابارلايدى قازاقپارات ءتىلشىسى.

بۇل شەشىم ە ق ى ۇ مينسك توبىنىڭ قوسالقى ءتوراعالارى - فرانسيا، رەسەي جانە امەريكا قۇراما شتاتتارى پرەزيدەنتتەرىنىڭ 1-قازانداعى مالىمدەمەسىنەن كەيىن، سونىمەن قاتار 5-قازانداعى ە ق ى ۇ مينسك توبىنىڭ جانە 10-قازانداعى ماسكەۋ مالىمدەمەسىنەن كەيىن قابىلداندى.

ازەربايجاننىڭ سىرتقى ىستەر مينيسترلىگى باسپا ءسوز قىزمەتىنىڭ باسشىسى لەيلا ابدۋللايەۆا جەرگىلىكتى تەلەارناعا بەرگەن سۇحباتىندا اتىستى گۋمانيتارلىق توقتاتۋداعى ماقسات - مارقۇم بولعان ازەربايجان اسكەريلەرىنىڭ جانە قارسى تاراپ ادامدارىنىڭ دەنەسىن مايدان الاڭىنان الىپ كەتۋ، سونداي-اق تۇتقىندارمەن الماسۋ ەكەنىن ايتتى.

ونىڭ سوزىنشە، بۇل كەلىسىمنىڭ قاي ۋاقىتقا دەيىن سوزىلاتىنى بەلگىسىز. 17-قازاندا ازەربايجان سىرتقى ساياسي ۆەدومستۆوسىنىڭ باسشىسى د. بايراموۆ رەسەيلىك جانە تۇرىك ارىپتەستەرىمەن تەلەفون ارقىلى سويلەستى. اڭگىمە بارىسىندا ول اتىستى توقتاتۋ رەجيمىنەن كەيىن دە گيانجا قالاسىنىڭ ەكىنشى مارتە زىمىرانمەن اتقىلانعانىن جەتكىزدى.

ول ايماقتاعى جاعداي بويىنشا ارىپتەستەرىمەن پىكىر الماستى. Armenpress اگەنتتىگىنىڭ حابارلاۋىنشا، ارمەنيا سىرتقى ىستەر مينيسترلىگىنىڭ باسپا ءسوز حاتشىسى اننا ناگداليان دا اتالعان گۋمانيتارلىق كەلىسىم جايىندا ءسوز قوزعاعان.

«ءبىز وسى كەلىسىم ارقىلى 10-قازان كۇنى ماسكەۋدە قابىلدانعان بىرلەسكەن مالىمدەمەنى جۇزەگە اسىرىپ وتىرمىز. ول مالىمدەمەدە اتىستى دوعارۋ جانە ونى توقتاتۋدىڭ پارامەترلەرىن ەنگىزۋ قاجەتتىگى كورسەتىلگەن. ول تۇراقتى جانە انىق بولۋى ءتيىس» دەيدى ول.

ايتا كەتەيىك، تاۋلى قاراباق وقيعاسى 27-قىركۇيەكتە قايتا شيەلەنىسىپ كەتتى. اۋقىمى كەڭ اسكەري قاقتىعىس ءجۇرىپ جاتىر. ازەربايجان مەن ارمەنيادا سوعىس جاعدايى جاريالاندى. رەسەي تاراپىنىڭ باستاماسىمەن ماسكەۋدە وتكەن كەڭەس ناتيجەسىندە باكۋ مەن ەرەۆان تۇتقىندار مەن قازا تاپقانداردىڭ دەنەسىمەن الماسۋ ءۇشىن گۋمانيتارلىق ماقساتتا 10-قازاندا جەرگىلىكتى ۋاقىت بويىنشا 12.00 دەن باستاپ اتىستى توقتاتۋ تۋرالى كەلىسكەن بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات