ەلىمىزدە التى وبلىس اۋماعىندا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - ەلىمىزدە التى وبلىس اۋماعىندا قولايسىز اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات قازگيدرومەتكە سىلتەمە جاساپ.

18-قازان اتىراۋ وبلىسىنىڭ كەي جەرلەرىندە تۇمان ءتۇسۋى مۇمكىن. اتىراۋ قالاسىندا ەرتەڭ تۇندە جانە تاڭەرتەن تۇمان تۇسەدى.

18-قازاندا قاراعاندى وبلىسىنىڭ كەي جەرلەرىندە وڭتۇستىك- باتىستان جەل سوعادى، كۇشى 15-20 م/س جەتەدى.

18-قازاندا اقمولا وبلىسىنىڭ كەي جەرلەرىندە تۇمان ءتۇسۋى ىقتيمال.

وڭتۇستىك- باتىستان سوققان جەل سولتۇستىك- باتىسقا اۋىسادى، كەي جەرلەردە كۇشى 15-20 م/س، تۇندە ەكپىنى 23 م/س جەتەدى.

كوكشەتاۋدا ەرتەڭ سولتۇستىك- باتىستان جەل سوعادى، ەكپىنى 15-20 م/س جەتەدى.

18-قازاندا سولتۇستىك قازاقستان وبلىسىندا سولتۇستىك- باتىستان، باتىستان جەل سوعادى، كۇشى 15-20، ەكپىنى 23-28 م/س كۇتىلەدى.

پەتروپاۆل ق: 18-قازاندا سولتۇستىك- باتىستان، باتىستان جەل سوعادى، كۇشى 15-20، ەكپىنى 25 م/س كۇتىلەدى.

18-قازاندا قوستاناي وبلىسىنىڭ كەي جەرلەرىندە قار ارالاس جاڭبىر جاۋادى، تۇمان ءتۇسىپ، كوكتايعاق بولادى، جاياۋ بۇرقاسىن ءجۇرۋى مۇمكىن.

وڭتۇستىك- باتىستان سوعاتىن جەل سولتۇستىك- باتىسقا اۋىسادى، كۇشى كەي جەرلەردە 15-20 م/س جەتەدى. كۇندىز اۋا تەمپەراتۋراسى پليۋس 2-10 گرادۋسقا دەيىن كۇرت تومەندەيدى.

18-قازاندا پاۆلودار وبلىسىنىڭ كەي جەرلەرىندە قار ارالاس جاڭبىر جاۋادى، تۇمان ءتۇسۋى ىقتيمال. وڭتۇستىك- باتىستان سوعاتىن جەل سولتۇستىك- باتىسقا اۋىسادى، كۇشى كەي جەرلەردە 15-20 م/س جەتەدى. كۇندىز اۋا تەمپەراتۋراسى پليۋس 2-10 گرادۋسقا دەيىن تومەندەيدى.