كۇشتى جەل، قار ارالاس جاڭبىر - جەكسەنبىگە ارنالعان اۋا رايى

نۇر-سۇلتان. قازاقپارات – 18-قازاندا قازاقستاننىڭ سولتۇستىك بولىگىندە سيكلون جانە سونىمەن ىلەسە كەلگەن اتموسفەرالىق اعىنداردىڭ سالدارىنان اۋا رايى قۇبىلمالى بولادى.

كەي جەرلەردە قار ارالاس جاڭبىر جاۋادى، جەل كۇشەيەدى، دەپ حابارلايدى قازاقپارات قازگيدرومەتكە سىلتەمە جاساپ.

ەلىمىزدىڭ قالعان وڭىرلەرىندە ورتالىعى قاراعاندى وبلىسىندا ورنالاسقان انتيسيكلون اسەرىنەن اشىق، جاۋىن- شاشىنسىز اۋا-رايى كۇتىلەدى. رەسپۋبليكانىڭ كەي جەرلەرىندە تۇمان ءتۇسۋى مۇمكىن. سولتۇستىك قازاقستان وبلىسىندا جەل 15-20، ەكپىنى 23-28 م/س كۇشەيۋى مۇمكىن.

اقمولا، قوستاناي، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە جەلدىڭ كۇشەيىپ، جىلدامدىعى 15-23 م/س جەتەدى.

اقمولا، پاۆلودار وبلىستارىندا، تۇندە جانە تاڭەرتەڭ قوستاناي وبلىسىنىڭ كەي جەرىندە تۇمان ءتۇسۋى ىقتيمال. اتىراۋ وبلىسىندا كەي جەرلەردە تۇمان تۇسەدى. الماتى وبلىسىندا تۇندە كەي جەرلەردە 1 گرادۋس ۇسىك جۇرەدى.