اقتوبەدە تۋعان امەريكالىق بويجەتكەن تۋىستارىن ىزدەيدى

None
None
نۇر-سۇلتان. قازاقپارات - قازاقستاننان اسىراپ الىنعان اقش تۇرعىنى يانا گەراتي بيولوگيالىق اكە- شەشەسىن ىزدەۋدە.

بۇل جايىندا يانا Facebook-تەگى قازاقستان- امەريكا قاۋىمداستىعى پاراقشاسىندا جازدى، دەپ حابارلايدى قازاقپارات ءتىلشىسى.

«اتىم - يانا. بيولوگيالىق اكە-شەشەمدى، وتباسىمنىڭ مۇشەلەرىن تاپقىم كەلەدى. بۇل توپ (Kazakh American Association) بيولوگيالىق اتا-انامدى تابۋعا كومەكتەسەدى دەپ ەستىگەن ەدىم. مەنى قازاقستاننان اسىراپ العان. 1992 -جىلدىڭ مامىرىندا اقتوبەدە دۇنيەگە كەلگەنمىن. مەنى 2001 -جىلى 10 جاسىمدا امەريكالىق اتا-انا باۋىرىنا باستى. تۋعان وتباسىمدى تابۋعا بىرەۋلەر قولۇشىن بەرىپ جاتسا، ريزا بولار ەدىم. كەز كەلگەن كومەك - مەن ءۇشىن وتە ماڭىزدى»، - دەپ جازدى ول.

يانانىڭ اتاپ وتۋىنشە، قولىندا قۇجاتتارى بار. الايدا قانداي دا ءبىر ۇيىمعا حابارلاسۋعا قورقادى. سەبەبى بۇعان دەيىن ونى ءبىر مارتە الداپ كەتكەن. ال ا ق ش- تاعى اسىراپ العان اتا- اناسى يانادان ءجاسوسپىرىم كەزىندە باس تارتقان. سوندىقتان ولاردان قانداي دا ءبىر اقپارات الۋ قيىن. «مەنى اسىراپ العانعا دەيىنگى قازاقستانداعى اتى-ءجونىم - گرانچيەۆيچ (Granchevitch) يانا مانوليەۆنا. انامنىڭ اتى - گرانچيەۆيچ مارينا پاۆلوۆنا (1964 -جىلى 18-قىركۇيەكتە دۇنيەگە كەلگەن)، اكەمنىڭ اتى - گرانچيەۆيچ مانول توموۆيچ»، - دەيدى يانا.

يانا گەراتيدىڭ الەۋمەتتىك جەلىدەگى جەكە پاراقشاسىندا فرەدەريكسبۋرگتە (ۆيردجينيا) تۇراتىنى جانە ا ق ش ارمياسىندا قىزمەت ەتەتىندىگى كورسەتىلگەن.

اۆتور: مارلان جيەمباي

سوڭعى جاڭالىقتار