+7 (701) 759 90 19
16 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ازەربايجاننىڭ ەكى قالاسىنا زىمىرانمەن شابۋىل جاسالدى

17 قازان 10:36
:ءبولىسۋ
ازەربايجاننىڭ ەكى قالاسىنا زىمىرانمەن شابۋىل جاسالدى

باكۋ. قازاقپارات – 16-قازاننان 17 نە قاراعان ءتۇنى، 01.00 شاماسىندا ازەربايجاننىڭ گياندجا جانە مينگياچيەۆير قالالارىنا راكەتامەن شابۋىل جاسالدى، دەپ حابارلايدى قازاقپاراتتىڭ مەنشىكتى ءتىلشىسى.

سالدارىنان گياندجەدە 12 ادام مەرت بولىپ، 40 تان استام تۇرعىن جاراقات الدى. ونداعان ءۇي قيراتىلدى. بولجام بويىنشا شابۋىل سكاد (ر-17) بالليستيكالىق زىمىراندارىمەن جاسالعان. ءار پرەزيدەنتىنىڭ كومەكشىسى - پرەزيدەنت اكىمشىلىگىنىڭ سىرتقى ساياسات ءبولىمىنىڭ جەتەكشىسى ح. گادجيەۆتىڭ مالىمدەۋىنشە، گياندجەگە زىمىراندار ارمەنيادان جىبەرىلگەن.

ال ارمەنيانىڭ قارۋلى كۇشتەرى بۇل شابۋىلعا قاتىسىمىز جوق دەپ وتىر. ارمەنيا قورعانىس مينيسترلىگىنىڭ باسپا ءسوز حاتشىسى ش. ستەپانيان ارمەنيا اۋماعىنان نەمەسە ارمەنيا قارۋلى كۇشتەرى تاراپىنان ازەربايجانعا وق جاۋدىرىلعان جوق دەپ جازدى.

ايتا كەتەيىك، تاۋلى قاراباق وقيعاسى 27-قىركۇيەكتە قايتا شيەلەنىسىپ كەتتى. اۋقىمى كەڭ اسكەري قاقتىعىس ءجۇرىپ جاتىر. ازەربايجان مەن ارمەنيادا سوعىس جاعدايى جاريالاندى. رەسەي تاراپىنىڭ باستاماسىمەن ماسكەۋدە وتكەن كەڭەس ناتيجەسىندە باكۋ مەن ەرەۆان تۇتقىندار مەن قازا تاپقانداردىڭ دەنەسىمەن الماسۋ ءۇشىن گۋمانيتارلىق ماقساتتا 10-قازاندا جەرگىلىكتى ۋاقىت بويىنشا 12.00 دەن باستاپ اتىستى توقتاتۋ تۋرالى كەلىسكەن بولاتىن.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات