اقمولالىق ايەل باسشىلىققا شاعىمدانعان ارىپتەسىن باسپالداقتان يتەرىپ جىبەردى
وعان سەبەپ - ارىپتەسىنىڭ باسشىلىققا شاعىم جاساۋى، دەپ حابارلايدى قازاقپارات.
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 14-قازان كۇنى سەلينوگراد اۋدانىنىڭ پوليتسياسىنا ورتالىق اۋداندىق اۋرۋحانانىڭ فەلدشەرى حابارلاسىپ، قابىلداۋ بولىمىنە 56 جاستاعى ايەلدىڭ تۇسكەنىن ايتقان. وعان قويىلعان دياگنوز - ەكى جىلىنشىگىنىڭ تومەنگى بولىگىنىڭ سىنىعى.
«كەيىن انىقتالعانى - اقمول اۋىلىنىڭ 56 جاستاعى تۇرعىنى جەرگىلىكتى اكتسيونەرلىك قوعامدا ديسپەتچەر بولىپ جۇمىس ىستەيدى ەكەن. سول كۇنى كۇندىزگى 15.00 شاماسىندا ول 37 جاستاعى ارىپتەسىمەن كيكىلجىڭگە كەلىپ، ول ەگدە ايەلگە دەنە جاراقاتىن سالادى. وعان دەيىن 56 جاستاعى جابىرلەنۋشى باسشىلىققا ارىپتەسىنىڭ ءوز مىندەتتەرىن دۇرىس اتقارمايتىنىن ايتىپ شاعىمدانعان. مۇنى كوتەرە الماعان 37 جاستاعى ايەل شاعىمدانۋشىنى باسپالداقتان يتەرىپ، قۇلاتىپ جىبەرگەن» دەپ ءتۇسىندىردى ۆەدومستۆودان.
37 جاستاعى ايەلگە قاتىستى قىلمىستىق ءىس قوزعالدى. سوت- مەديتسينالىق ساراپتاما تاعايىندالعان. كۇدىكتى ءوز كىناسىن تولىق مويىندادى.