قىزىلوردالىق جاستاردىڭ ەرەكشە بەينەروليگى كوپشىلىكتى ءسۇيسىنتتى
قازىرگى زامانعى اۋەنمەن ارلەنگەن بۇل دۇنيەدە ولار وزدەرىنىڭ ءبىلىم الىپ جۇرگەن وقۋ ورنى مەن ماماندىعى جونىندە كەڭىنەن تۇسىندىرۋگە تىرىسادى. سوندىقتان ستۋدەنتتەر وزدەرى ەركىن قابىلدايتىن اۋەن ارقىلى جاستاردى وزدەرىنىڭ ءبىلىم الىپ جاتقان وقۋ ورنىنا كەلۋگە شاقىرادى.
قىزىلوردا قالاسىنداعى «اقمەشىت» ينستيتۋتى جانىندا كوللەدج بار. وندا جاستاردىڭ بىرنەشە ماماندىق بويىنشا ءبىلىم الۋىنا بارلىق جاعداي جاسالعان. وقۋ ورنىنىڭ باسشىلىعى جىلما- جىل ءبىرىنشى كۋرس ستۋدەنتتەرى اراسىندا ارنايى بايقاۋ وتكىزىلەدى.
«ءبىزدىڭ كوللەدجدىڭ 19-0 توبى دايىنداعان بەينەروليك كوپشىلىكتىڭ قىزىعۋشىلىعىن تۋدىردى. توپتىڭ كۋراتورى - تيمۋر مۇستاياپوۆ. ول بەينەروليكتە ءبىرىنشى كۋرس ستۋدەنتتەرىمەن بىرگە ءان ورىنداپ تۇر. ال يدەيا اۆتورى - گۋمانيتارلىق- تەحنيكالىق ماماندىقتار ءبولىمىنىڭ مەڭگەرۋشىسى ەرجان كەنجەيەۆ روليكتى ءتۇسىرىپ، ونى مونتاجداپ شىقتى. ءاننىڭ ءسوزىن كوللەدج وقىتۋشىسى ءمولدىر جاقسىلىق جازدى. بەينەروليك وسى وقۋ ورنىندا وتكەن سايىستا ۇزدىك بولىپ تانىلدى»،-دەدى «اقمەشىت» ينستيتۋتى جانىنداعى كوللەدجدىڭ ءبولىم باسشىسىاينۇر بەكەنوۆا.