+7 (701) 759 90 19
11 °С : نۇر-سۇلتان
17 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ونلاين وقۋ: اتا- انالار بەرىلگەن كومپيۋتەردى سىندىرىپ الۋدان قورقىپ، پايدالانباي وتىر

16 قازان 22:46
:ءبولىسۋ
ونلاين وقۋ: اتا- انالار بەرىلگەن كومپيۋتەردى سىندىرىپ الۋدان قورقىپ، پايدالانباي وتىر

قازاقپارات - قاشىقتان وقۋ ءۇشىن بەرىلگەن كومپيۋتەرلەردى پايدالانباي وتىرعان اتا- انالار بار. بۇل تۋرالى پاۆلودار وبلىسى ءبىلىم باسقارماسىنىڭ باسشىسى ءدىنيسلام بولاتحان ۇلى وڭىرلىك كوممۋنيكاتسيالار قىزمەتىندەگى باسپا ءسوز ءماسليحاتىندا ايتتى، دەپ حابارلايدى قازاقپارات pavlodarnews.kz سايتىنا سىلتەمە جاساپ.


ءبىلىم باسقارماسىنىڭ باسشىسى بۇگىندە بارلىق وقۋشىلار مەن مۇعالىمدەر كومپيۋتەرلىك تەحنيكامەن قامتىلعانىن اتاپ ءوتتى. «ءبىزدىڭ ايماق ەلىمىزدە مەكتەپتەردەگى كومپيۋتەرلىك بازاسى ۇلكەن وبلىس بولىپ سانالادى. وڭىرىمىزدە 21 مىڭنان استام كومپيۋتەر بار. جاڭا وقۋ جىلىنا دايىندىق كەزىندە 12 مىڭنان استام وقۋشىدا كومپيۋتەر جوق ەكەنىن انىقتادىق. بىرنەشە بالاسى ءبىلىم الاتىن وتباسىلار دا بار. وعان قوسا، 40 مىڭنان استام مۇعالىمنىڭ ىشىندە 140 ۇستازدا كومپيۋتەر جوق بولىپ شىقتى. سونى ەسكەرىپ، كومپيۋتەرلەر تاراتىپ بەردىك. قازىر وبلىستىق جانە رەسپۋبليكالىق بيۋدجەتتەن كومپيۋتەرلەر ساتىپ الۋ جۇرگىزىلۋدە»،- دەدى ول. سونداي- اق د. بولاتحان ۇلى اتاپ وتكەندەي، رەسپۋبليكالىق بيۋدجەتتەن الىنعان 1670 جاڭا كومپيۋتەردىڭ بارلىعى وقۋشىلارعا تاراتىلعان. الايدا، بەرىلگەن كومپيۋتەردى پايدالانباي وتىرعان اتا- انالار دا بار. «كەيبىر اتا- انالار جاۋاپكەرشىلىكتەن قورقىپ، بەرىلگەن كومپيۋتەرلەردى پايدالانباي وتىر. سىندىرىپ الىپ، قۇنىن تولەۋدەن قورقادى. ونداي اتا- انالارعا بالالارىڭىز ءبىلىم باعدارلاماسىنان قالىپ قويماس ءۇشىن قورىقپاي، كومپيۋتەرلەردى اشۋىن سۇرايمىز»،-دەدى باسقارما باسشىسى. بۇعان دەيىن حابارلاعانىمىزداي، پاۆلودار وبلىسىندا 4 مۇعالىم مەن 14 وقۋشىدانكوروناۆيرۋس انىقتالدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات