+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

باتىس قازاقستاندا شەكتەۋ شارالارى كۇشەيتىلەدى

16 قازان 22:25
:ءبولىسۋ
باتىس قازاقستاندا شەكتەۋ شارالارى كۇشەيتىلەدى

قازاقپارات - باتىس قازاقستان وبلىسىندا شەكتەۋ شارالارى كۇشەيتىلدى،-دەپ حابارلايدى قازاقپارات ءتىلشىسى.

باتىس قازاقستان وبلىسى مەملەكەتتىك باس سانيتار دارىگەرىنىڭ 17 -قازاننان باستاپ كۇشىنە ەنەتىن قاۋلىسىنا سايكەس مەملەكەتتىك شەكاراداعى وتكىزۋ بەكەتتەرىندە سانيتارلىق تالاپتار قاتاڭداتىلدى.


قاۋلىعا سايكەس ترانزيتتىك جۇك تاسىمالدايتىن حالىقارالىق اۆتوكولىكتەر وبلىس اۋماعى ارقىلى توقتاۋسىز وتەدى. قازاقستاننىڭ ۇكىمەتتىك دەلەگاتسيالارىن، ق ر سىرتقى ىستەر مينيسترلىگىنىڭ شاقىرۋى بويىنشا كەلەتىن شەت مەملەكەتتەر مەن حالىقارالىق ۇيىمداردىڭ رەسمي دەلەگاتسيالارى مۇشەلەرىن، ەلىمىزدە اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرىن جانە ولاردىڭ وتباسى مۇشەلەرىن، سونداي- اق ترانزيتتىك جۇك كولىكتەرىن قوسپاعاندا، شەكارانى كەسىپ وتكەن كەزدە كەم دەگەندە 72 ساعات بۇرىن پ ت ر ادىسىمەن الىنعان انىقتاماسى جوق ادامدار COVID-19-عا زەرتحانالىق تەكسەرۋدەن ءوتۋ ءۇشىن كارانتيندىك ستاتسيونارلارعا بارۋعا مىندەتتى.

ستاتسيونارلار مىنا مەكەنجايلاردا ورنالاسقان: ءبورلى اۋدانى، Caspian Offshore Construction Realty, تاسقالا اۋدانى تاسقالا كەنتى، رىسقۇلبەكوۆ كوشەسى 4а ، «جاس تۋريستەر ستانتسياسى» كمم- نىڭ «شۇعىلا» ساۋىقتىرۋ لاگەرى، جانىبەك اۋدانى جانىبەك اۋىلى، جەڭىس كوشەسى، 17а ، جانىبەك اۋداندىق اۋرۋحاناسى، ورال قالاسى، «يۆۋشكا» ءساناتورييى كوشەسى، 1 قۇرىلىس، وبلىستىق تۋبەركۋلەزگە قارسى ديسپانسەر. سونداي- اق كوپشىلىك ءىس- شارالارمەن قاتار بارلىق ويىن- ساۋىق نىساندارىنىڭ، كينوتەاترلاردىڭ، فۋدكورتتاردىڭ، بانكەت زالدارىنىڭ، ويىن الاڭدارىنىڭ (اۋلالارداعىنى قوسپاعاندا) ، تۇنگى كلۋبتاردىڭ، بارلاردىڭ، كاراوكە، كومپيۋتەرلىك جانە ويىن كلۋبتارىنىڭ، كالياندىق، بۋكمەكەر كەڭسەلەرىنىڭ، كەيتەرينگتىك جانە مەرەكەلەردى ۇيىمداستىرۋ بويىنشا قىزمەتتەر كورسەتۋدىڭ، مەنشىك نىسانىنا قاراماستان، مەكتەپكە دەيىنگى بالالار مەكەمەلەرىنىڭ (كەزەكشى توپتاردى قوسپاعاندا) قىزمەتىنە تىيىم سالىندى. مەملەكەتتىك ورگاندار مەن ك ۆ ا ز ي مەملەكەتتىك سەكتور ۇيىمدارىنىڭ قىزمەتكەرلەرىنىڭ كەمىندە 50 پايىزى قاشىقتان جۇمىس ىستەۋگە كوشەدى. باسقا دا مەكەمەلەرگە قاتىستى شەكتەۋ شارالارى ەنگىزىلدى. دەمالىس جانە مەرەكە كۇندەرى جابىق ازىق- تۇلىك ەمەس جانە ازىق- تۇلىك بازارلارى جابىلادى.

قوعامدىق اۆتوكولىك شەكتەۋلى رەجيم شەڭبەرىندە جۇمىس كۇندەرى: ساعات 07.00-دەن 23.00-گە دەيىن، سەنبى، جەكسەنبىدە: ساعات 07.00-دەن 21.00-گە دەيىن، بىركەلكى قوزعالىس كەستەسىمەن قاتىنايدى.

قاربالاس ساعاتتاردا قوعامدىق كولىكتەر بارىنشا كوپ شىعۋى ءتيىس. سوڭعى ايالدامالاردا قوعامدىق اۆتوكولىكتەرگە كۇندەلىكتى دەزينفەكتسيا جۇرگىزىلەدى.

قوعامدىق كولىككە جولاۋشىلار وتىرعىزۋ ورىندارىنا سايكەس مىنەدى. قوعامدىق كولىك انتيسەپتيكالىق قۇرالدارمەن قامتاماسىز ەتىلۋى ءتيىس، قوعامدىق كولىككە تەك جەكە قورعانىش قۇرالدارىمەن (مەديتسينالىق بەتپەردەلەرمەن، قولعاپتارمەن) كىرۋگە رۇقسات ەتىلەدى.

جەڭىل كولىكتە (تاكسي) وتىراتىندار ءۇش ادامنان ارتىق بولماۋى كەرەك. ولار دا جەكە قورعانىش قۇرالدارىمەن (مەديتسينالىق بەتپەردەلەرمەن، قولعاپتارمەن) جانە انتيسەپتيكتەرمەن قامتاماسىز ەتىلۋى ءتيىس. ەسكە سالا كەتەيىك، بۇدان بۇرىن ب ق و- دا كوروناۆيرۋستان قايتقانداردىڭ 70 پايىزدان استامى ەگدە ادامدار ەكەندىگىن، رەسەي شەكاراسىنان قازاقستانعا وتكەن 8 ادامنان ىندەت انىقتالعانىن جازعان بولاتىنبىز.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات