كارانتين: ەلوردادا دەمالىس كۇندەرى ءبىلىم بەرۋ ورتالىقتارىنىڭ جۇمىسىنا تىيىم سالىندى

نۇر- سۇلتان. قازاقپارات - نۇر-سۇلتان قالاسىنىڭ باس مەملەكەتتىك سانيتارلىق دارىگەرى ج. پرالييەۆانىڭ 16 -قازانداعى جاڭا قاۋلىسىنا سايكەس ەلوردادا شەكتەۋ جانە كارانتين شارالارى قاتاڭداتىلدى،-دەپ حابارلايدى قازاقپارات.

جاڭا قاۋلى ماتىنىنە سايكەس، قالاداعى ءبىلىم بەرۋ ورتالىقتارىنىڭ، بالالار مەن ەرەسەكتەرگە ارنالعان ۇيىرمەلەردىڭ، بالالار دامۋ ورتالىقتارىنىڭ (الدىن الا جازىلۋ بويىنشا، 10 ادامعا دەيىنگى توپتارمەن) جۇمىسىن كۇشەيتىلگەن سانيتاريالىق- ەپيدەمياعا قارسى، سانيتاريالىق- پروفيلاكتيكالىق ءىس- شارالاردى ساقتاي وتىرىپ، جۇمىس كۇندەرى جۇمىس كەستەسىن ساعات 9:00-دەن 18:00-گە دەيىن جۇمىس ىستەپ، دەمالىس جانە مەرەكە كۇندەرى ولاردىڭ جۇمىسىنا تىيىم سالىندى. سونىمەن قاتار، تەاتر، كىتاپحانا، مۇراجاي، گالەرەيا، كورمە جۇمىسىنا 65 جاستان اسقان كورەرمەندەردىڭ كەلۋىن شەكتەۋ قويىلادى. قاۋلىنىڭ تولىق ءماتىنىن مىنا جەردەن كورۋگە بولادى.