ۇشاقتا شىمكەنتتەن ءتۇسىپ قالامىن دەپ ەسىككە جارماسقان جىگىتكە ايىپپۇل سالىندى

None
None
قازاقپارات - FlyArystan اۋە كومپانياسىنىڭ ۇشاعىندا ماڭعىستاۋ وبلىسىنىڭ تۇرعىنى شۋ شىعارعان. 25 جاستاعى جىگىت بۇزاقىلىق جاساعانى ءۇشىن اكىمشىلىك كودەكستىڭ ءۇش بابى بويىنشا جاۋاپكەرشىلىككە تارتىلدى، دەپ حابارلايدى قازاقپارات ءتىلشىسى.

اۋە كومپانياسىنىڭ حابارلاۋىنشا، 24 - قىركۇيەك كۇنى الماتىدان اقتاۋعا ۇشاق ۇشىپ شىققان. ساپار بارىسىندا جولاۋشىلاردىڭ بالاعات ءسوز ايتىپ، جانىنداعى ادامدار مەن ەكيپاج مۇشەلەرىنىڭ مازاسىن العان. بورتتاعىلاردىڭ ەسكەرتۋىندە قۇلاعىنا ىلمەگەن. «الماتى - اقتاۋ باعىتىندا ۇشىپ بارا جاتقانىنا قاراماستان جولاۋشى شىمكەنتكە بارۋى كەرەكتىگىن ايتىپ، ايعايلاي باستاعان. ءتىپتى ۇشاقتىڭ ەسىگىن اشۋعا تالپىنعان. سونىمەن بىرگە، ول بورتتاعى ايەل قىزمەتكەردى قىلقىندىرا باستاعان. مۇنى كورگەن بورتتاعى ەر ادامدار جۇگىرىپ كەلىپ، شۋ شىعارعان جىگىتتى ۇستاپ، تارتىپكە كەلتىرگەن. اقتاۋعا جەتكەننەن كەيىن ول جولاۋشى پوليتسياعا تاپسىرىلدى»،- دەپ حابارلايدى اۋە كومپانياسىنان. شۋ شىعارعان جولاۋشىنى تىرپ ەتكىزبەي ۇستاعان جىگىتتەر - نۇرلان بوحانوۆ پەن ماناس تۇرابەكوۆ اتتى سپورتشىلار بولىپ شىقتى. ولارعا العىس رەتىندە FlyArystan كومپانياسى ۇشاقتىڭ مودەلى مەن بيلەت، اۋە كومپانيانىڭ قىزمەتىن ساتىپ الاتىن ۆاۋچەرلەردى بەردى. ال كولىكتەگى پوليتسيا دەپارتامەنتى 25 جاستاعى جىگىتتىڭ ۇستالعانىن حابارلادى. «كولىكتەگى پوليتسيا دەپارتامەنتىنىڭ قىزمەتكەرلەرى ۇشاق جولاۋشىسىن اكىمشىلىك كودەكستىڭ ءۇش بابى بويىنشا ايىپقا تارتتى: اۋە كەمەسىندەگى ەرەجەنى بۇزۋ، قوعامدىق ورىندا ماس بولىپ، الكوگولدىك ىشىمدىك ءىشۋ جانە ۇساق بۇزاقىلىق»،- دەدى ۆەدومستۆودان. شۋ شىعارعان جىگىتكە 8 اەك (22224 تەڭگە) كولەمىندە ايىپپۇل سالىنعان. ۇساق بۇزاقىلىق بابى بويىنشا ونىڭ ءىسى سوتتا قارالۋدا.

سوڭعى جاڭالىقتار