20:02, 16 - قازان 2020 | GMT +6
سادىر جاپاروۆ ەكس- پرەزيدەنت سوورونباي جەەنبەكوۆ تۋرالى جارلىققا قول قويدى
بىشكەك. كابار - قازاقپارات - قىرعىز رەسپۋبليكاسى پرەزيدەنتىنىڭ مىندەتىن اتقارۋشى سادىر جاپاروۆ ەكس- پرەزيدەنت سوورونباي جەەنبەكوۆ تۋرالى جارلىققا قول قويدى، دەپ حابارلايدى قازاقپارات كابار اگەنتتىگىنە سىلتەمە جاساپ.
قىرعىز ۇكىمەتى اپپاراتىنىڭ اقپاراتپەن قامتاماسىز ەتۋ ءبولىمىنىڭ حابارلاۋىنشا، «قىرعىز پرەزيدەنتى قىزمەتىنىڭ كەپىلدىكتەرى جانە قىرعىز ەكس- پرەزيدەنتىنىڭ مارتەبەسى تۋرالى» زاڭعا سايكەس قىرعىزستاننىڭ ەكس- پرەزيدەنتىنە قاتىستى زاڭنامادا كوزدەلگەن بارلىق نورمالار ساقتالادى.
بۇل جارلىق قول قويىلعان ساتتەن باستاپ كۇشىنە ەنەدى. ەسكە سالساق، قىرعىستان پرەمەر- ءمينيسترى سادىر جاپاروۆ ءوزىن پرەزيدەنت مىندەتىن اتقارۋشى رەتىندە جاريالادى. 15-قازان كۇنى قىرعىزستان پرەزيدەنتى سوورونباي جەەنبەكوۆ ەلدە قالىپتاسقان قوعامدىق- ساياسي جاعدايعا بايلانىستى ەل حالقىنا ۇندەۋ جاسادى. ول ۇندەۋدە وتستاۆكاعا كەتۋ جونىندە شەشىم قابىلداعانىن ايتتى.