+7 (701) 759 90 19
16 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ق ر پرەزيدەنتى رەسەي قورعانىس مينيسترىمەن اسكەري ىنتىماقتاستىق ماسەلەلەرىن تالقىلادى

16 قازان 19:58
:ءبولىسۋ
ق ر پرەزيدەنتى رەسەي قورعانىس مينيسترىمەن اسكەري ىنتىماقتاستىق ماسەلەلەرىن تالقىلادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ قازاقستانعا رەسمي ساپارمەن كەلگەن رەسەي فەدەراتسياسىنىڭ قورعانىس ءمينيسترى سەرگەي شويگۋدى قابىلدادى.

قازاقپارات بۇل تۋرالى اقورداعا سىلتەمە جاساپ حابارلايدى. كەزدەسۋ بارىسىندا قازاقستان مەن رەسەيدىڭ اسكەري جانە اسكەري- تەحنيكالىق ىنتىماقتاستىعىن نىعايتۋ ماسەلەلەرى تالقىلاندى.

«اسكەري- تەحنيكالىق سالا، اسكەري باعىت قازاقستان رەسپۋبليكاسى مەن رەسەي فەدەراتسياسى اراسىنداعى ستراتەگيالىق سەرىكتەستىك پەن وداقتاستىق قاتىناستاردا ماڭىزدى ورىن الادى»، - دەدى پرەزيدەنت.

مەملەكەت باسشىسى ەكى ەل اراسىنداعى قول قويىلعان اسكەري ىنتىماقتاستىق تۋرالى شارتتى قۇپتادى جانە ونىڭ رەسەي قورعانىس ءمينيسترىنىڭ قازاقستانعا جاساعان ساپارىنىڭ ماڭىزدى ناتيجەلەرىنىڭ ءبىرى ەكەنىن ايتتى.

قاسىم- جومارت توقايەۆ سەرگەي شويگۋدى جەڭىستىڭ 75 جىلدىعىنا ارنالعان پارادتىڭ جوعارى دەڭگەيدە ۇيىمداستىرىلىپ، تابىستى وتكىزىلگەنىمەن قۇتتىقتادى. رەسەي قورعانىس ءمينيسترى كەزدەسۋگە جانە قازىرگى زاماننىڭ وزەكتى ماسەلەلەرىن تالقىلاۋعا مۇمكىندىك جاساعانى ءۇشىن قازاقستان پرەزيدەنتىنە العىس ايتتى.

«اسكەري جانە اسكەري- تەحنيكالىق ىنتىماقتاستىقتىڭ ءداستۇرلى ستراتەگيالىق جانە وداقتاستىق سيپاتى بار. بۇگىنگى قول قويعان كەلىسىمنىڭ اسا ماڭىزدى ەكەنى ءسوزسىز. بۇل بارلىق اسكەري ىنتىماقتاستىق تۋرالى كەلىسىمدەردىڭ ىشىندەگى ەڭ اۋقىمدىسى ءارى مازمۇندىسى»، - دەدى سەرگەي شويگۋ.

رەسەيدىڭ قورعانىس ءمينيسترى قازاقستان اسكەريلەرىنىڭ قىزىل الاڭدا وتكەن جەڭىستىڭ مەرەيتويلىق پارادىنا جوعارى دەڭگەيدە قاتىسقانى ءۇشىن مەملەكەت باسشىسىنا العىسىن ءبىلدىردى. ونىڭ ايتۋىنشا، بۇل ەكى ەل اراسىنداعى قاتىناستاردىڭ جوعارى دەڭگەيدە ەكەنىن كورسەتتى.

سونىمەن قاتار ول قازاقستان قارۋلى كۇشتەرى ساربازدارىنىڭ حالىقارالىق اسكەري ويىندارعا بەلسەندى قاتىسقانىن اتاپ ءوتتى. كەزدەسۋ سوڭىندا قازاقستان پرەزيدەنتى اسكەري جانە اسكەري- تەحنيكالىق ىنتىماقتاستىقتى دامىتۋعا قوسقان ۇلەسى ءۇشىن سەرگەي شويگۋدى ءى دارەجەلى «دوستىق» وردەنىمەن ماراپاتتادى.

بۇعان دەيىن حابارلاعانىمىزداي، بۇگىن نۇر- سۇلتاندا قازاقستاننىڭ قورعانىس ءمينيسترى نۇرلان ەرمەكبايەۆ رەسەيلىك ارىپتەسى سەرگەي شويگۋمەن كەزدەستى. كەزدەسۋ بارىسىندا ق ر مەن ر ف اراسىنداعى اسكەري ىنتىماقتاستىق تۋرالى جاڭارتىلعان شارت جاسالدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات