كوروناۆيرۋستان جازىلعان سوڭ مونشاعا تۇسۋگە بولا ما
«ناقتى ەشتەڭە ايتا المايمىن. دەگەنمەن، كەز كەلگەن ينفەكتسيادان، ونىڭ ىشىندە كۇردەلى جۇقپالى اۋرۋدان كەيىن ىستىق پروتسەدۋرا الۋعا كەڭەس بەرىلمەيدى. ونىڭ ىشىندە مونشا دا بار. ءوزىم مونشاعا بارۋعا بارىنشا اباي بولۋعا كەڭەس بەرەر ەدىم. ال ەندى مونشادان باسقا جۋۋنۋعا ەش مۇمكىندىك بولماسا، وندا ول ىستىق ەمەس، جىلىلاۋ بولعانى ءجون. ويتكەنى، مۋلتيجۇيەلى سۋىق تيۋ سيندرومى كەزىندە بارىنشا اباي بولعان دۇرىس»، - دەدى ول ونلاين كونفەرەنتسيا بارىسىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، مۋلتيجۇيە ايتارلىقتاي زاقىمدانعان كەزدە مۇنداي ۆيرۋستاردىڭ اسەرى قانداي بولاتىندىعىن بولجاۋ وتە قيىن.
«بۇل رەتتە، بارلىعى دا پاتسيەنت كوروناۆيرۋس ينفەكتسياسىنان جازىلعاننان كەيىن ساقتالاتىن نەگىزگى سيندرومعا بايلانىستى. مۇنى ول ەمحانالاردا ءوزىن ەمدەيتىن دارىگەرمەن تالقىلاعانى ءجون بولادى. ونىڭ اعزاسىندا قانداي سيمپتوم نەگىزگى بولسا، وندا سونى وڭالتۋ جۇرگىزىلەدى»، - دەدى ءلايلا دايىربايەۆا.