ق ر س ءى م باسشىسى قىرعىزستانداعى جاعدايعا بايلانىستى پىكىر ءبىلدىردى

None
None
نۇر- سۇلتان. قازاقپارات - قازاقستان قىرعىزستانداعى جاعدايدىڭ ايقىندالىپ كەلە جاتقان تۇراقتالۋ ءۇردىسىن ريزاشىلىقپەن قابىلدايدى.

بۇل تۋرالى قازاقستاننىڭ سىرتقى ىستەر ءمينيسترى مۇحتار تىلەۋبەردى كورشى ەلدەگى جاعدايعا قاتىستى رەسمي كوممەنتاريىندە ايتتى، دەپ حابارلايدى قازاقپارات.

«قازاقستاندا قىرعىزستانداعى جاعدايدىڭ ايقىندالىپ كەلە جاتقان تۇراقتالۋ ءۇردىسىن ريزاشىلىقپەن قابىلدايدى. كورشى مەملەكەتتەگى وقيعالاردى تەك قانا ىشكى ماسەلەسى رەتىندە قاراستىرا وتىرىپ، جاڭادان قۇرىلعان ۇكىمەتتى قازىرگى كۇردەلى ساياسي جاعدايدا ءوز ارەكەتتەرىن تۇراقتىلىق، قۇقىق ۇستەمدىگى، قوعامدى بىرىكتىرۋ، ەكونوميكالىق دامۋ ءۇشىن جاعداي جاساۋعا باعىتتاۋعا شاقىرامىز. ەلدىڭ بارلىق ساياسي كۇشتەرىنىڭ قىرعىز رەسپۋبليكاسى كونستيتۋتسياسىنىڭ نورمالارى مەن قاعيداتتارىن قاتاڭ ساقتاي وتىرىپ، داعدارىس جاعدايىنان ابىرويمەن شىعۋعا مۇمكىندىك بەرەتىن سالماقتى جانە ىسكەر شەشىمدەردى ىزدەۋگە بار كۇش- جىگەرىن جۇمسايتىنىنا ءۇمىت ارتامىز»، - دەدى مينيستر. م. تىلەۋبەردى اتاپ وتكەندەي، كوس ەلدى قيىن كەزەڭدە ءوزارا كومەك پەن قولداۋعا نەگىزدەلەتىن باۋىرلاس جانە تاتۋ كورشىلىك تاريحي قارىم- قاتىناس بايلانىستىرادى.

«ءبىز قىرعىزستاننىڭ ساياسي تۇرعىدان تۇراقتى جانە ەكونوميكاسى وركەندەيتىن ەل بولۋىنا، 1997 -جىلعى 8 -ساۋىردەگى ماڭگىلىك دوستىق تۋرالى جانە 2003 -جىلعى 25 -جەلتوقسانداعى وداقتاستىق قاتىناستار تۋرالى شارتتاردىڭ رۋحىنداعى ءوزارا ءتيىمدى ىنتىماقتاستىقتىڭ ارى قاراي جالعاسۋىنا مۇددەلىمىز»، - دەپ تولىقتىردى ق ر س ءى م باسشىسى.

سوڭعى جاڭالىقتار