ق ر پرەزيدەنتى قازاقتىڭ تۇڭعىش انتروپولوگى مەن ابايتانۋشى عالىمدى مەرەيتولارىمەن قۇتتىقتادى

None
None
الماتى. قازاقپارات - مەملەكەتتىك حاتشى قىرىمبەك كوشەربايەۆ الماتى قالاسىندا قازاقتىڭ تۇڭعىش انتروپولوگى ورازاق يسماعۇلوۆ پەن عالىم، ابايتانۋشى مەكەمتاس مىرزاحمەت ۇلىن 90 جاس تورقالى تويلارىمەن قۇتتىقتادى، دەپ حابارلايدى قازاقپارات ءتىلشىسى.

ق ر ۇلتتىق كىتاپحاناسىندا بولعان سالتاناتتى شاراعا ق ر مەملەكەتتىك حاتشىسى قىرىمبەك كوشەربايەۆ، ق ر مادەنيەت جانە سپورت ءمينيسترى اقتوتى رايىمقۇلوۆا، ق ر ءبىلىم جانە عىلىم ءمينيسترى اسحات ايماعامبەتوۆ، قازاقستان جازۋشىلار وداعىنىڭ باسقارما ءتوراعاسى ۇلىقبەك ەسداۋلەت جانە بەلگىلى عالىمدار قاتىستى.

قىرىمبەك كوشەربايەۆ عالىمداردىڭ ەل عىلىمىنا قوسقان ولشەۋسىز ۇلەسىن اتاپ ءوتىپ، ق ر پرەزيدەنتى قاسىم- جومارت توقايەۆتىڭ قۇتتىقتاۋ حاتىن وقىپ بەردى.

«قۇرمەتتى مەكەمتاس مىرزاحمەت ۇلى! 90 جاس مەرەيتويىڭىزبەن قۇتتىقتايمىن. وتاندىق ادەبيەت پەن عىلىمنىڭ دامۋىنا ولشەۋسىز ۇلەس قوسۋىڭىزدىڭ ارقاسىندا ءسىز حالىق الدىندا بەلگىلى عالىم، جازۋشى رەتىندە تانىلىپ، ەرەكشە قۇرمەتكە بولەندىڭىز. قوجا احمەت ياساۋي، اباي، مۇحتار تۋرالى، باۋىرجان مومىش ۇلى تۋرالى ەڭبەكتەرىڭىزگە باعا جەتپەيدى. الدا دا وسكەلەڭ ۇرپاققا ونەگە كورسەتىپ، قوعامنىڭ رۋحاني دامۋىنا ۇلەس قوسىپ امان ءجۇرىڭىز. دەنساۋلىعىڭىز مىقتى بولسىن! ارمان- تىلەگىڭىز ورىندالسىن!»، - دەلىنگەن قۇتتىقتاۋدا.

مەمحاتشى پرەزيدەنتتىڭ انتروپولوگ عالىم ورازاق سماعۇل ۇلىنا ارناعان قۇتتىقتاۋىن دا جەتكىزدى.

«قۇرمەتتى ورازاق سماعۇل ۇلى! مەن ءسىزدى بۇگىنگى 90 جاس مەرەيتويىڭىزبەن قۇتتىقتايمىن. سانالى عۇمىرىڭىزدى انتروپولوگيا سالاسىنا ارناپ، قازاقستاندا تۇڭعىش رەت انتروپولوگيا مەكتەبىنىڭ نەگىزىن قالادىڭىز. البەتتە عىلىمعا قوسقان ۇلەسىڭىز ۇشان تەڭىز. ءسىزدىڭ ەڭبەكتەرىڭىزدىڭ ارقاسىندا قازاق حالقىنىڭ تاريحى مەن شىعۋ تەگىنە قاتىستى كوپتەگەن باعا جەتپەس عىلىمي مۇراعا يە بولدىق. بولاشاقتا جۇمىسىڭىزعا ساتتىلىك تىلەيمىز. حالىق يگىلىگىنە قىزمەت ەتۋدەن جالىقپاڭىز»، - دەلىنگەن مەملەكەت باسشىسىنىڭ حاتىندا.

قۇتتىقتاۋدان سوڭ مەملەكەتتىك حاتشى قوس عالىمعا شاپان جاپتى.

ال ق ر مادەنيەت جانە سپورت، ءبىلىم مەن عىلىم مينيسترلەرى قاريالاردىڭ كەۋدەسىنە توسبەلگى تاقتى.


سوڭعى جاڭالىقتار