ءتىل كوميتەتى جارنامالاردىڭ ساۋاتتى جازىلۋىن قاتاڭ باقىلاماق

نۇر- سۇلتان. قازاقپارات - ەلوردادا مادەنيەت جانە سپورت مينسترلىگىنىڭ ءتىل ساياساتى ءتىل ساياساتىن ىسكە اسىرۋ بويىنشا «ءتىل تۇتاستىعى - ەل تۇتاستىعى» اتتى ونلاين- جيىن وتكىزدى، دەپ حابارلايدى قازاقپارات ءتىلشىسى.

مەملەكەت باسشىسى قاسىم- جومارت توقايەۆ قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەتىنىن ايتقان بولاتىن. ق ر مادەنيەت جانە سپورت مينسترلىگى ءتىل ساياساتى كوميتەتىنىڭ ءتوراعاسى ادىلبەك قابا ءتىل جاناشىرلارىمەن كەزدەسۋ وتكىزىپ، قوعامدا ءتىل ماسەلەسىن كوتەرىپ جۇرگەن ازاماتتاردىڭ ءۇنىن تىڭداۋ، قازاق ءتىلىن ەلدەگى ۇلت ارالىق قاتىناس تىلىنە اينالدىرۋ باعىتىنداعى ۇسىنىستارىن تالقىلاۋ، شەشۋ جولدارىن ايقىندادى. شاراعا پارلامەنتى سەناتى مەن ءماجىلىسى دەپۋتاتتارى، پرەزيدەنت اكىمشىلىگى ىشكى ساياسات ءبولىمىنىڭ وكىلى، بەلگىلى قوعام قايراتكەرلەرى، ءتىل جاناشىرلارى، ساياساتتانۋشىلار مەن زاڭگەرلەر، مۇددەلى مينيسترلىكتەردىڭ وكىلدەرى قاتىستى. جيىن قورىتىندىسى بويىنشا «ءتىل قورعانى» ونلاين توبى قۇرىلدى.

«ءبىزدىڭ باستامامىزبەن الماتى تەلەارناسىنان «ءتىل قورعانى» اپتالىق باعدارلاماسى ىسكە قوسىلادى. ول الداعى اپتادان باستاپ كورەرمەندەرگە جول تارتادى. مەملەكەتتىك تىلدە ساۋاتسىز جازىلعان جارناما، مەكەمە اتاۋلارى، اقپاراتتىق جادىناما، نۇسقاۋلىقتى اشكەرەلەۋ كەرەك. ءتىل ماماندارىمەن بىرىگىپ، قاتەنىڭ قايتا تۇزەتىلىپ، جازىلعانىن قاداعالاعان ءجون. جوبانىڭ باستى يدەياسى - ساۋاتسىز جازىلعان اقپاراتتى بىردەن تاۋىپ، قالاداعى بارلىق جازۋلاردىڭ قاتەسىز بولۋىنا قول جەتكىزۋ. جوبانىڭ مىندەتى - ساۋاتسىز جازىلعان اتاۋ نەمەسە جارنامانى كورسەتۋ، مەكەمە يەسىن تاۋىپ، ونىڭ تۇزەتىلۋىنە مۇرىندىق بولۋ. العاشقى ءتۇسىرىلىم الماتى قالاسىندا ءوتتى. مۇنداي تۇسىرىلىمدەر بارلىق ايماقتى قامتيدى»، - دەدى ونلاين جيىندا ادىلبەك قابا.

ونىڭ ايتۋىنشا مەملەكەتتىك ءتىل نورمالارىنا سايكەس كەلەتىن كورنەكى اقپاراتتى قامتۋ دارەجەسىن %70 عا جەتكىزۋدىڭ ءبىر تەتىگى رەتىندە باعدارلاماعا تانىمال تۇلعالاردى تارتا وتىرىپ، تەلەارنالار ارقىلى سىرتقى كورنەكى جارناما ماتىندەرىندە، رەسمي قۇجاتتار مەن جاريالانىمداردا، وقۋلىقتاردا، ب ا ق- تا مەملەكەتتىك ءتىلدىڭ ساۋاتسىز، ورىنسىز قولدانىلۋى تۋرالى مالىمەتتەردىڭ جاريا ەتىلۋىن ۇيىمداستىرۋ كوزدەلگەن. سونداي- اق، كورنەكى اقپارات پەن جارنامانىڭ ساۋاتتىلىعىن قوعامدىق باقىلاۋ بويىنشا پلاتفورمانى ۇيىمداستىرۋ جانە شارالار قابىلداۋ جوسپاردا بار.