قازاقستاندىق كاسىپورىندار مەملەكەتتىك تاپسىرىسپەن جاساندى تىنىس الۋ اپپاراتتارىن شىعارۋدى اياقتادى

نۇر- سۇلتان. قازاقپارات - وتاندىق كاسىپورىندار مەملەكەتتىك تاپسىرىس بويىنشا وكپەنى جاساندى جەلدەتۋ اپپاراتتارىن شىعارۋدى اياقتادى، دەپ حابارلايدى قازاقپارات.

ق ر يندۋستريا جانە ينفراقۇرىلىمدىق دامۋ مينيسترلىگىنەن ءمالىم ەتكەندەي، ق ر دەنساۋلىق ساقتاۋ مينيسترلىگى بارلىعى 1500 اپپاراتقا تاپسىرىس بەرگەن. سونىڭ ەڭ سوڭعى پارتياسى - 102 اپپارات قوستاناي جانە اقمولا وبلىسىنىڭ اۋرۋحانالارىنا جەتكىزىلدى.

«وزگە وڭىرلەردىڭ وتىنىمدەرى تولىقتاي ورىندالدى. ءو ج ج اپپاراتتارى قويىلىپ، ماماندار وقىتىلىپ، قوندىرعىلار سەرۆيستىك قىزمەت كورسەتۋگە بەرىلدى. وكپەنى جاساندى جەلدەتەتىن «BIYOVENT» ستاتسيونارلىق اپپاراتتارى وتاندىق «قازاقستان ASELSAN ينجينيرينگ» ج ش س قورعانىس- ونەركاسىپتىك كەشەنىندە جاسالدى. بۇدان بولەك، بيىلعى تامىز ايىندا ق ر ي ي د م ق ر دەنساۋلىق ساقتاۋ مينيسترلىگىمەن بىرلەسىپ، «تىنىس» ا ق- دا شىعارىلعان شاعىن ءو ج ج اپپاراتتارىمەن جەدەل جاردەم ستانسالارىن قامتاماسىز ەتۋ بويىنشا مەملەكەتتىك تاپسىرىستى اياقتادى»، - دەدى ق ر ي ي دم- نەن.

ءمالىم ەتىلگەندەي، وسىلايشا، ءو ج ج اپپاراتىنىڭ وتاندىق ءوندىرىسىن جولعا قويۋ جونىندەگى مەملەكەت باسشىسى مەن ق ر ۇكىمەتىنىڭ تاپسىرماسى ورىندالىپ، پاندەميانىڭ ىقتيمال ەكىنشى تولقىنىنا دايىندىق اياسىندا مەديتسينالىق مەكەمەلەرى ءو ج ج اپپاراتتارىمەن جەتكىلىكتى مولشەردە قامتاماسىز ەتىلدى.

«ءوز كۇشىمىزبەن ءو ج ج اپپاراتىن ءوندىرۋ ماسەلەسى كوكتەمدە، COVID-19 اۋرۋىنىڭ العاشقى تولقىنى كەزىندە تۋىندادى. ول كەزدە ءو ج ج اپپاراتتارىن جەتكىلىكتى كولەمدە اقشاعا ساتىپ الۋ مۇمكىن بولماي قالدى. ءار ەل وزدەرىنىڭ قاجەتتىلىكتەرىن وتەپ، باعا اسپانداپ كەتتى. ءبىر اپپارات ءۇشىن 20 ميلليون تەڭگەگە دەيىن سۇرادى»، - دەيدى ق ر ي ي د م قورعانىس ونەركاسىبىن دامىتۋ جونىندەگى دەپارتامەنت ديرەكتورى سەرگەي چەرنەنوك.

اۆتور: بالنۇر قوجاگەلدى