قانداسىمىز ءۋاليحان سەرىك ۇلى قىتاي چەمپيوناتىندا التىننان القا تاقتى

ءۇنجۋ. قازاقپارات - شىڭجاڭدىق قانداسىمىز ءۋاليحان سەرىك ۇلى گرەك- ريم كۇرەسىنەن قىتاي چەمپيوناتىنىڭ التىن مەدالىن ۇتىپ الدى، دەپ حابارلايدى قازاقپارات ءتىلشىسى.

بۇل جارىس بۇگىن قىتايدىڭ ءۇنجۋ قالاسىندا باستالعان بولاتىن. ءۋاليحان سەرىك ۇلى 63 كەلى سالماقتا ونەر كورسەتىپ، فينالدا شاڭحايلىق قارسىلاسىن 9:0 ەسەبىمەن ۇتتى. قانداسىمىز وسىدان كەيىن وليمپياداعا ليتسەنزيالىق ىرىكتەۋ تۋرنيرىنە قاتىساتىن بولادى.

ۋ. سەرىك ۇلى - 1993 -جىلى شىڭجاڭنىڭ ءدوربىلجىن اۋدانىندا دۇنيەگە كەلگەن. قىتاي قۇراماسىنىڭ ساپىندا ونەر كورسەتەدى. قىتاي چەمپيوناتىنىڭ 4 دۇركىن جۇلدەگەرى، ماجارستان استاناسى بۋداپەشتە وتكەن الەم چەمپيوناتىنىڭ قولا جۇلدەگەرى، ازيا چەمپيوناتىندا 3-ورىن يەلەنگەن.

ءۋاليحاننىڭ باپكەرى ءالنۇر تورگە ۇلى - حالىقارالىق دارەجەدەگى سپورت شەبەرى، ازيا چەمپيوناتىنىڭ كۇمىس جۇلدەگەرى. قىتاي اتىنان 2004 -جىلعى افينى وليمپياداسىنا قاتىسقان.

اۆتور:ريزابەك نۇسىپبەك ۇلى