ەلىمىزدە قىلمىس ءورشىپ تۇرعان وڭىرلەر بەلگىلى بولدى

None
None
نۇر- سۇلتان. قازاقپارات - 2020 - جىلدىڭ III توقسانىندا ەلىمىزدە 126 مىڭنان استام قىلمىستىق قۇقىق بۇزۋشىلىق تىركەلدى. بۇل تۋرالى ق ر ۇ ە م ستاتيستيكا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

ق ر باس پروكۋراتۋراسى قۇقىقتىق ستاتيستيكا جانە ارنايى ەسەپ كوميتەتىنىڭ دەرەكتەرى بويىنشا 2020 -جىلعى III توقساندا 126499 قىلمىستىق قۇقىق بۇزۋشىلىق تىركەلدى. بۇل وتكەن جىلعى سايكەس كەزەڭمەن سالىستىرعاندا 34,4 پايىزعا كەم.

رەسپۋبليكاداعى قىلمىس دەڭگەيى 10 مىڭ تۇرعىنعا شاققاندا 90 تىركەلگەن قىلمىستى قۇرادى. وبلىستار مەن رەسپۋبليكالىق ماڭىزى بار قالالار بولىنىسىندە 10 مىڭ تۇرعىنعا شاققانداعى ەڭ جوعارى قىلمىس دەڭگەيى الماتى، شىمكەنت، نۇر- سۇلتان قالالارىندا، قوستاناي، اقمولا، شىعىس قازاقستان جانە باتىس قازاقستان وبلىستارىندا، ەڭ تومەنى تۇركىستان وبلىسىندا بايقالادى.

اۋىر جانە اسا اۋىر قىلمىستار سانى وتكەن جىلعى سايكەس كەزەڭمەن سالىستىرعاندا 65,2 پايىزعا ارتتى. قىلمىستار قۇرىلىمىندا ولاردىڭ ۇلەس سالماعى 31,5 پايىز (2019 -جىلعى III توقساندا - 12,1 پايىز) تيىسىنشە، اۋىرلىعى ورتاشا جانە تومەن قىلمىستار 50,9 (72,7 پايىز) جانە 17,6 پايىزدى (15,2 پايىز) قۇرادى.

«2020 -جىلعى III توقسان ناتيجەلەرى بويىنشا تىركەلگەن قىلمىستاردىڭ ىشىندەگى ەڭ ۇلكەن ۇلەستى مەنشىككە قارسى قىلمىستار الادى - 73,6 پايىز (2019 -جىلعى III توقساندا - 79,2 پايىز). ولاردىڭ كوپشىلىگى باسقا بىرەۋدىڭ مۇلكىن ۇرلاۋ - 52,8 مىڭ وقيعا (109 مىڭ وقيعا.). قىلمىستىڭ وسى توبىندا وتكەن جىلعى سايكەس كەزەڭمەن سالىستىرعاندا كورىنەۋ قىلمىستىق جولمەن تابىلعان مۇلىكتى يەمدەنۋ نەمەسە وتكىزۋگە بايلانىستى جاعدايلار 74,2 پايىزعا ارتقانىن اتاپ ءوتۋ كەرەك»، - دەدى كوميتەتتەن.

ۆەدومستۆو مالىمەتىنشە، جەكە ادامعا قارسى جاسالعان قىلمىستار سانى 7052 وقيعانى قۇرادى. بۇل وتكەن جىلعى سايكەس كەزەڭمەن سالىستىرعاندا 11,7 پايىزعا از. زورلاۋ - 39,6, قورقىتۋ - 26,4، ادام ۇرلاۋ - 24 پايىز تومەندەگەن. سونىمەن قاتار، قاساقانا كىسى ءولتىرۋ جانە ادام ولتىرۋگە وقتالۋ سانى وتكەن جىلعى سايكەس كەزەڭمەن سالىستىرعاندا 15,4 پايىزعا ارتتى. رەسپۋبليكادا ادام ءولتىرۋ دەڭگەيى 100 مىڭ تۇرعىنعا شاققاندا 4,8 قۇرادى. وبلىستار مەن رەسپۋبليكالىق ماڭىزى بار قالالار بولىنىسىندە 100 مىڭ ادامعا شاققانداعى ادام ءولتىرۋدىڭ ەڭ جوعارى دەڭگەيى پاۆلودار، اقمولا، قاراعاندى، جامبىل وبلىستارىندا، ەڭ تومەنى شىمكەنت قالاسىندا بايقالادى.

اۆتور: مارلان جيەمباي

سوڭعى جاڭالىقتار