+7 (701) 759 90 19
7 °С : نۇر-سۇلتان
14 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

ءال- فارابي ادام رەسۋرستارىن تۇسىنۋگە كوپ ەڭبەك ءسىڭىردى -  اقتوتى رايىمقۇلوۆا

16 قازان 15:56
:ءبولىسۋ
ءال- فارابي ادام رەسۋرستارىن تۇسىنۋگە كوپ ەڭبەك ءسىڭىردى -  اقتوتى رايىمقۇلوۆا

الماتى. قازاقپارات - ق ر مادەنيەت جانە سپورت ءمينيسترى اقتوتى رايىمقۇلوۆا ءابۋ ناسىر ءال- فارابيدىڭ 1150 جىلدىق مەرەيتويى قۇرمەتىنە ۇيىمداستىرىلعان دوڭگەلەك ۇستەل وتىرىسىنا قاتىستى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، بيىل جىل باسىنان بەرى 100-دەن اسا شارا ۇيىمداستىرىلعان. «كوروناۆيرۋس پاندەمياسىنا بايلانىستى شارالاردىڭ كوپشىلىگى قىسقارتىلدى. نەگىزىنەن، عىلىمي زەرتتەۋگە باعىتتالعان شارالارعا باسىمدىق بەرىلدى. وكىنىشكە وراي، جوسپارلانعان ەكسپەديتسيالار بولماي قالدى. جوسپارلانعان قاراجات رەسپۋبليكالىق بيۋدجەتكە قايتارىلدى. بولاشاقتا بۇل جۇمىس جالعاساتىن بولادى. سونداي- اق، عىلىمي زەرتتەۋ ورتالىقتارى اشىلادى»، - دەدى اقتوتى رايىمقۇلوۆا.

بيىل ۇلى شىعىس عۇلاماسىنىڭ ەڭبەگىن زەرتتەۋگە ارنالعان قازۇۋ مەن باسقا دا شەتەلدىك وقۋ ورىندارىنىڭ قاتىسۋىمەن ونلاين كونفەرەنسيالار وتكەن. كەلەشەكتە تۇركىستان وبلىسىنىڭ وقسىز كونە قالاشىعىنا جاقىن جەردە شاعىن مۋزەيى بار ۆيزيت ورتالىق اشىلادى. ءشاۋىلدىر اۋىلىندا قازىر وسىنداي ۆيزيت ورتالىعى بار. ول جەردەن ءابۋ ناسىر ءال- فارابيدىڭ 1150 جىلدىعىنا وراي قويىلعان عىلىمي ماتەريالداردى، ەكسپوزيتسيالاردى كورۋگە بولادى. ودان بولەك، اقتوتى رايىمقۇلوۆا اتاپ وتكەندە، سيريانىڭ داماسك قالاسىندا ۇلى عۇلامانىڭ ۆيزيت ورتالىعى مەن مۋزەيى جۇمىس ىستەپ تۇر.

«ول ورتالىقتا قازۇۋ بولىمشەسى اشىلادى. اتالعان بولىمشەدە دە بيىل عىلىمي جانە قالپىنا كەلتىرۋ جۇمىستارىن جالعاستىراتىن بولامىز. ءال- فارابي ادام رەسۋرستارىن تۇسىنۋگە كوپ ەڭبەك ءسىڭىردى. ودان بولەك، مادەنيەت پەن مۋزىكاعا قاتىستى ەڭبەكتەرى دە وراسان زور. ول ونەردى ادامزات تۇرمىسىنىڭ ماڭىزدى بولىگى رەتىندە قاراستىرعان. سوندىقتان، زەرتتەۋشىلەر ۇنەمى ونىڭ ەڭبەكتەرىنە ورالادى. عالىمنىڭ ەڭبەكتەرى مەن تۇجىرىمداماسىنىڭ ماڭىزى وراسان. ونىڭ مۇراسىن الەمگە تانىستىرۋ، ناسيحاتتاۋ ءۇشىن بىزگە كوپ ەڭبەكتەنۋ كەرەك»، - دەدى مينيستر.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات