+7 (701) 759 90 19
16 °С : نۇر-سۇلتان
23 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاندا بايلانىس ساپاسىن جاقسارتاتىن جىلجىمالى كەشەندەر ساتىپ الىنادى

16 قازان 15:30
:ءبولىسۋ
قازاقستاندا بايلانىس ساپاسىن جاقسارتاتىن جىلجىمالى كەشەندەر ساتىپ الىنادى

نۇر- سۇلتان. قازاقپارات - بايلانىس ساپاسىن مونيتورينگىلەۋ بويىنشا 17 جىلجىمالى ولشەۋ كەشەنى ساتىپ الىنۋدا. بۇل تۋرالى سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى قازاقپارات ءتىلشىسى.

«ينتەرنەت ساپاسىنا حالىقتىق باقىلاۋ جۇرگىزۋ ءۇشىن Bailanys bar سەرۆيسى (https://bailanys.bar/kk/internet/speedtest) ىسكە قوسىلدى. كەز كەلگەن ازامات سمارتفون ارقىلى ينتەرنەت كەمشىلىكتەرىن بىزگە وڭاي تۇردە جولداي الادى. قازىرگى ۋاقىتتا تەكسەرۋ بويىنشا 50 مىڭنان استام ادام اتالعان سەرۆيستى پايدالاندى»، - دەدى مينيستر سيفرلاندىرۋ تاقىرىبى بويىنشا سەناتتا ءوتىپ جاتقان ۇكىمەت ساعاتىندا.

ونىڭ سوزىنە قاراعاندا، مەملەكەتتىك باقىلاۋ ماقساتىندا بايلانىس ساپاسىن مونيتورينگىلەۋ بويىنشا 17 جىلجىمالى ولشەۋ كەشەنى ساتىپ الىنۋدا.

«بۇل باعىتتا پرەمەر- مينيستر قولداۋ ءبىلدىردى. جىلدىڭ سوڭىنا دەيىن وسى كەشەندەردى ساتىپ الامىز. وسى ورايدا حالىقتىق جانە مەملەكەتتىك باقىلاۋدىڭ دەرەكتەرى ءبىرىڭعاي جۇيەگە جيناقتالاتىن بولادى، بۇل ودان ءارى وپەراتورلارمەن جۇمىس ىستەۋگە مۇمكىندىك بەرەدى»، - دەدى ب. مۋسين.

بۇدان بۇرىن حابارلانعانداي، مينيستر ەلىمىزدە ينتەرنەتتىڭ ساپاسىنا قاتىستى تۇسىنىك بەردى. «نەگە ينتەرنەت ءالسىز؟ بۇعان قاتىستى بىرنەشە سەبەپ بار. بىرىنشىدەن، بىزدە ينتەرنەت ساپاسى بويىنشا قاتاڭ زاڭنامالىق تالاپتار جوق. ەكىنشىدەن، تەلەكوممۋنيكاتسيا جەلىسىنىڭ 90 پايىزى راديورەلەلىك جەلىدە جانە اۋە بايلانىس ارنالارى بويىنشا سالىنعان»، - دەدى باعدات مۋسين.

اۆتور: رۋسلان عابباسوۆ



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات